Muqdisho(SONNA) Iyadoo dunida maanta laga xusayo maalinta Caalamiga ah ee Dimoqraadiyadda adduunaka ayaa war qoraal ah oo ka soo baxay Dowladda Mareykanka waxaa ay ugu hambalyeysay Dowladda Federaalka Soomaaliya dadaalkeeda ku aadan horumarinta hanaanka dimoqraadiyadeed ee ku aadan dhismaha hay’adaha Dowladda,iyo qaabkii ay u dhacday doorashadii dalka ka dhacay dabayaaqadii 2016.

Warkan qoraalka ah oo ka soo baxay Wasaaradda arrimaha dibaddda ee Mareykanka ayaa lagu yiri” Mareykanka waxaa uu ku dhiiro gelinayaa dowladda Soomaaliya in ay sii wado dadaalkeedi ku aadan  horumarinta sharciyada muhiimka u ah dalka,kuwaasi oo horseedaya in doorasho qof iyo cod ah ka dhacdo Soomaaliya sanadka 2020.

Waxaa kamid ah waxyaabaha ay ka dhawaajisay Dowladda Mareykanka dib u eegista Dastuurka Dalka iyo dhismaha iyo tayeynta hay’adaha Dowladda,kuwaasi oo u adeegaya bulshada Soomaaliyeed.

Soomaaliya waa dal ka soo kabanaya qalalaaso muddo sanado ah ka jiray,wadada dimoqraadiyadda in la qaado waa wax adag,waxaan ku boorinaynaa dhamaan hogaamiyaasha Soomaalida in ay ka wada shaqeeyaan sidii dalka loo gaarsiin lahaa horumar iyo dhanka Dimoqraadiyadda ah iyo Dowlad nimada”, Ayaa lagu yiri qoraalkaasi.

Xukuumadda Washington ayaa sheegtay in ay garab taagan tahay Soomaaliya sidii ay mar kale cageheed isugu taagi lahayd,islamarkaana nabad iyo xasilooni waarta ka dhalata geyiga Soomaaliya.

Madaxxweyna Maamulka  Puntland Dr. Cabdiweli Maxamed Cali Gaas iyo wafdi uu hogaaminayo ayaa maanta dib ugu soo laabtay Deegaanada Puntlad  kadib gudashada Rukniga diiniga ah ee Xajka.

Wafdigaasi oo kaso dagay Garoonka magaalada Boosaaso ee Xaruunta Gobolka Bari ayaa waxaa kusoo dhoweeyey , masuuliyiin ka tirsan goleyaasha Puntland, maamulka gobolka, kan degmada, saraakiisha ciidamada ,kuwa  Madaxtooyada, aqoon yahano iyo xubno kale.

Madaxweynaah Maamulka Puntland ayaa ugu horayn ka warbixiyey socdaalkiisii dalka sucuudiga iyo dalka isutaga Imaaraadka Carabta oo uu soo maray, wuxuuna caddeeyay  in isaga iyo wafdiga uu hogaaminayo ay dalka Sucuudiga u tageen gudashada waajibaadka Xajka.

Sidoo kale Madaxweynaha Puntland ayaa sheegay in socdaalka dalka Imaaraadka ay la xiriirtay arrimo ku saabsan  horumarinta kaabayaasha dhaqaalaha ee ay u baahan yihiin Maamulka Puntland.

Ugu danbayn, Madaxweynaha  Puntland Dr. Cabdiweli Maxamed Cali Gaas ayaa kula dardaarmay shacabka iyo masuuliyiinta Maamulka inay Illaashadaan nabadda, xasiloonida, horumarka, kala danbaynta iyo midnimadooda.

Magaaladda Jowhar ee Xarunta Maamulka Hirshabeelle  waxaa  ka socda diyaargarowgii ugu dambeeyay ee tartanka loo galayo  doorashadda Madaxtinimo ee Maamulkaasi

Saacadihii ugu dambeeyay magaalada Jowhar waxaa  laga dareemayaa tartanka dooroshada Madaxweynaha Hirshabeele oo ay u taagan yihiin Musharaxiin gaaraya  sideed ruux.

Maalinta Sabtiga ah ayaa Baarlamaanka Maamulkaasi waxaa ay dooran doonaan Madaxweynaha Hirshabeele kaa soo baddali doona Madaxweynihii Hore Cali Cabdulaahi Cosoble oo ay kalsoonida kala laabteen Xildhimaanada Maamulkaasi.

Waxyaabaha ugu badan oo ay soo jeediyeen ayaa waxaa kamid ah horumarinta Deegaanada Maamulka  Hirshabeelle sida,Waxbarashada,Caafimaadka,Shaqo abuurka,Amniga deegaanadaasi.,

Tartanka Madaxtinimo oo ay  goob joogayaal  ka yihiin xubnaha guddiga doorashada HirShabeele.waxaa musharixiinta u taagan xilka Madaxtinimo kamid ah:-

1:Daahir Cabdulle Cawaale

2:C/raxmaan Xuseen Caddow

3:Yuusuf Axmed Hagar (Yuusugdabageed)

4: Maxamed Caruushe Diirow

5:C/naasir Xaaji Shurwac Maxamuud.

Muqdisho(SONNA)Waqooyiga Kuuriya ayaa markii labaad gantaal balaastik ah dul mariyay hawada dalka Jabaan,taasoo abuureysa xaalad cusub oo ku timid gobolka,kadib markii dalkasi wax ka yar laba isbuuc uu tijaabiyay hubka Niyuklerka.

Gantaalkaasi ayaa gaaraya xagga hawada masaafo dhan 770 km,isagoo socay ilaa 3700 km ,kahor inta uusan ku dhicin badda  Hokkaido ,sida ay ku warameen Mileteriga dalka Koonfurta Kuuriya

Gantaalkaan ayaa la shaaciyay in uu ka farsamo sareeyo,kana xowli badan  yahay midkii bishii la soo dhaafay lagu tijaabiyay hawada dalka Jabaan

R/wasaaraha Japaan  Shinzo Abe ayaa sheegay in dalkiisu uusan u dulqaadan doonin tallaabadaasi qatarta ah ee  gardarada dalka Waqooyiga kuuriya

Koonfurta Korea ayaa wax ka yar daqiiqad jawaab ku bixisay,iyadoo hawada u gantay laba gantaal oo xagga badda ah

Muqdisho(SONNA) Hadalka ka soo baxay Wasaaradda Ganacsiga iyo Warshadaha Xukuumadda Federaalka Soomaaliya ayaa ka dambeeyey markii maanta  mas’uuliyiinta Wasaaradda ay kormeer ku tageen Garoonka diyaarahadaha iyagoo u kuurgalaya, dhaqan galka go’aanadaasi.

Wasiirk ku xigeenka  Wasaaradda Ganacsiga iyo Warshadaha Xukuumadda Soomaaliya Mudane Maxamed Diiriye Khaliif oo ay wehliyaan Xoghayaha Joogtadaha Abuukar Maxmed Daahiye iyo Agaasimaha guud C/llaahi Xayir Ducaale ayaa la kulmay ganacsatada qaadka soo degsatay,si ay u hubiyaan dhaqangalka go’aanadaasi,oo ujeedkiisu ahaa xalka gaarisata murano iyo isbar bar yaac ka taagnaa arrimahaasi sida ay mas’uuliyiintu ay sheegeen.

Mudane Maxamed Diiriye Khaliif Wasiirk ku xigeenka  Wasaaradda Ganacsiga iyo Warshadaha ayaa warbaahinta Qaranka uga warrmaya go’aankaasi dhaqan galkiisa.

“Waxaan maanta u imaanay halkani in aan u kuur galno Degreeto ay soo saartay Wasaaradda ayna ogyihiin Wasaaradaha Gaadiidka iyo Duulista Hawada,Maaliyadda, iyo ciidamada Booliska qeybta qaabilsan Canshuuraha,taasi oo ahayd in aan wax ka bedelnay qaabkii uu ku imaan jiray qaadka anagoo go’aansanaya in Muqdisho iyo Shabeelooyinka ay imaadaan 14 Tan maanta ayuuna dhaqangalay, way mahadsanyihiin ganacsatadii amarkaasi qaadatay”, Ayuu Yiri Wasiir kuxigeenka Ganacasiga iyo Warshadaha.

Wasiir kuxigeenka ayaa sidoo kale xusay in diyaaradii Khaadka gayn jirtay magaalada Jowhar la joojiyay islamarkaana Muqdisho uu ku soo degaayo,isagoo xusay in wadatashiyo lala yeeshey ganacsatada Khaadka la isku waafaqay in qoondo loo sameeyo.

Mas’uuliyiinta Wasaaradda Ganacsiga iyo Warshadaha ayaa ugu baaqay ganacsatada dhamaan in ay dhaqan geliyaan go’aanada ka soo baxay Wasaaradda,islamarkaana xusay in qofkii ka dhaga adeega sharciga lala tiigsanayo.

China(SONNA)…Wasiiru Dawlaha Xafiiska Raisul Wasaaraha J.F.S Mudane C/laahi Xaamud ayaa magaalada Orso ee dalka Shiinaha uga qeybgalay kulan ay isugu yimaadeen madax ka socotay 120 dal  oo looga hadlaayo la dagaalanka nabadguurka dunida.

Kulankaasi oo ah kii 13aad,waxaa kaloo  ka qeybgalay in ka badasn 30-hey’adood ,iyadoo 2-dii sanoba mar Qaramada  Midoobay ay diyaariso kulankaasi.

Kulankaan oo bilowday 6-dii Bishan ayaa Maalinta barri ah la soo gabagabeen doonaa ,waxaa  looga dooday sida ugu haboon ee wax looga qaban karo nabadguurka ku yimaada dhulka.

Wasiiru Dawlaha Xafiiska Raisul Wasaaraha J.F C/laahi Xaamud oo ka hadlay kulankaasi ayaa xaqiijiyay in dhibaatooyinka ka heysta abaaraha ku soo noqnoqday Soomalya ay qeyb ka yihiin dhoofinta dhuxusha oo uu tilmaamay in xilligaan lagu guuleystay joojinta adeegaasi.

Wasiiirku wuxuu qiray in Dawladda  cusub ay u heelan tahay  sidii arrimaha nabaad guurka wax looga qaban lahaa isagoo intaa raaciyay in ay socdaan olole dhir abuuris ah si ayuu yiri loo badbaadiyo nolol dhaqameedka reer miyiga.

Intii uu  socday kulankaasi Wasiirku wuxuu si gaar gaar ah ula kulmay madax ka kala socday Shiinah, Kanada, Turkey, Ethiopia, Koofur Afrika, Estonia iyo kuwa kale  oo ka socday hayadaha caalamiga.

Wasiiru Dawlaha Xafiiska Raisul Wasaaraha J.F.S ayaa magaalada Orso ee dalka Shiinaha uga qeybgalay kulan ay isugu yimaadeen madax ka socotay 120 dal  oo looga hadlaayo la dagaalanka nabadguurka dunida.

Kulankaasi oo ah kii 13aad,waxaa kaloo  ka qeybgalay in ka badasn 30-hey’adood ,iyadoo 2-dii sanoba mar Qaramada  Midoobay ay diyaariso kulankaasi.

Kulankaan oo bilowday 6-dii Bishan ayaa Maalinta barri ah la soo gabagabeen doonaa ,waxaa  looga dooday sida ugu haboon ee wax looga qaban karo nabadguurka ku yimaada dhulka.

Wasiiru Dawlaha Xafiiska Raisul Wasaaraha J.F oo ka hadlay kulankaasi ayaa xaqiijiyay in dhibaatooyinka ka heysta abaaraha ku soo noqnoqday Soomalya ay qeyb ka yihiin dhoofinta dhuxusha oo uu tilmaamay in xilligaan lagu guuleystay joojinta adeegaasi.

Wasiiirku wuxuu qiray in Dawladda  cusub ay u heelan tahay  sidii arrimaha nabaad guurka wax looga qaban lahaa isagoo intaa raaciyay in ay socdaan olole dhir abuuris ah si ayuu yiri loo badbaadiyo nolol dhaqameedka reer miyiga.

Intii uu  socday kulankaasi Wasiirku wuxuu si gaar gaar ah ula kulmay madax ka kala socday Shiinah, Kanada, Turkey, Ethiopia, Koofur Afrika, Estonia iyo kuwa kale  oo ka socday hayadaha caalamiga.

Madaxweyna Maamulka  Puntland Dr. Cabdiweli Maxamed Cali Gaas iyo wefti balaadhan oo uu hogaaminayo ayaa maanta dib ugu soo laabtay Deegaanada Puntlad  kadib gudashada Rukniga diiniga ah ee Xajka.

Madaxweynaah Maamulka Puntland ayaa ugu horayn ka warbixiyey socdaalkiisii dalka sucuudiga iyo dalka isutaga Imaaraadka Carabta oo uu soo maray, waxaana uu sheegay Madaxweynuhu in isaga iyo weftiga uu hogaaminayo ay dalka Sucuudiga u tageen gudashada waajibaadka Xajka.

“Muddo sadex isbuuc ka badan waxaan jirney dalka Sucuudiga Arabia iyo dalka Imaaraadka oo aanu soosocod-kayagii soo marnay, dalka Sacuudi Arabiya waxaanu u tagnay waxay ahayd gudashadii waajibaadka Xajka, si fiican bayna runtii noogu soo dhammaatay dalka iyo dadkana waan usoo ducaynay, Illahayna waxaan ka rajaynaynaa inuu anagana naga aqbalo gudashada Xajka, wixii duco ah ee aanu usoo niri dalka iyo dadkaba iyana waxaan rajaynaynaa in Alle naga aqbalo” ayuu yiri Madaxweyna Puntland.

Sidoo kale Madaxweynaha Puntland ayaa sheegay in isaga iyo wefti uu hogaaminayo ay soo mareen dalka Imaaraadka Carabta,  halkaasi oo ay u tageen arrimo la xidhiidha horumarinta kaabayaasha dhaqaalaha Maamulka Puntland.

Ugu danbayn, Madaxweynaha  Puntland Dr. Cabdiweli Maxamed Cali Gaas ayaa kula dardaarmay shacabka iyo masuuliyiinta Maamulka  Puntlandba inay Illaashadaan nabadda, xasiloonida, horumarka, kala danbaynta iyo midnimadooda.

Magaaladda Jowhar ee Xarunta Maamulka Hirshabeelle ahna Caasimada Gobolka shabeelaha dhexe waxaa  ka socda diyaar Garowga Doorashadda Madaxweynaha ee Maamulkaas taas oo dhici doonta 24 Saac kadib.

Wariyaha Warbaahinta Qaranka Soomaaliya AbuukarBacadle ayaa kusoo waramaaya in Magaalada laga dareemaayo Diyaar garowga dooroshada Madaxweynaha Hirshabeele taasoo ay u taagan tihiin Musharaxiin gaaraa  sideed”8″ waxaa ayna doonaayaan inay hugaamiyaan Maamulkaas.

Maalinta Sabtiga ah ayaa Baarlamaanka Maamulkaasi waxaa ay dooran doonaan Madaxweynaha Hirshabeele kaasoo badali doona Madaxweynihii Hore Cali Cabdulaahi Socoble oo ay kalsoonida kala laabteen Xildhimaanada Maamulkaasi.

Hasayeeshee Waxaa laga war sugaayaa Sideeda Musharax midka ku guulaysta Xilka Madaxtinimo ee Maamulka Hirshabeele.

Muqdisho, 14 September 2017 –Ra’iisul Wasaaraha Xukuumadda Federaalka Soomaaliya Mudane Xasan Cali Khayre ayaa maanta ka qeyb galay Bandhigga Caalamiga ee Buugaagta ee lagu qabtay magaalada Muqdisho, isagoo halkaas ka iib saday buugaag ay qoreen dad kala duwan oo dhalinyaro u badan, wuxuuna ku dhiiragaliyey iney sii wadaan wax qorista.

Mudane khayre oo khudbad u jeediyey dadkii ka soo qeyb galay bandhiggan ayaa sheegay in bulshada Soomaaliyeed ay ku jiraan dad leh hal abuurka ay aqoontooda ku gaarsiin karaan dadkooda. Wuxuna ammaan ballaaran u jeediyey ka soo qeyb galayaasha iyo qaban qaabiya-yaasha carwada.

Dadka ayaa iibsanayay buugaagta kala duwan ee lagu soo lagu soo bandhigay carwada buugaagta, waxayna isugu jiraan kuwa taabanayay qisooyin gaar ah, sheekooyin, taariikh, suugaan iyo arrimaha qoyska , sidoo kale waxaa buugaagta ka mid ahaa kuwa ku qornaa afka English-ka oo ka hadlayay xaalada dalka Soomaaliya.