Search
Subscribe
Home Blog Page 1315

munaasabadda xiritaanka aqalka sare oo Muqdisho lagu qabtay

SNTV
-
0
munaasabadda xiritaanka aqalka sare oo Muqdisho lagu qabtay

Munaasabad lagu soo xerayay kalfadhiga 2aad ee golaha aqalka sare ayaa xalay lagu qabtay Magaalada Muqdisho, iyadoo ay ka qeyb galeen Guddoomiyaha Aqalka sare Cabdi Xaashi Cabdulaahi iyo ku xigeenadiisa, Guddoomiyaha golaha shacabka Mudane Maxamed Sheekh Cusmaan Jawaari, Guddoomiyaha maxkamadda sare ee dalka Ibraahim Iidle Suleymaan, Guddoomiyaha gobalka Banaadir ahna Duqa Muqdisho Thaabid Cabdi, Xildhibaano ka tirsan Labada Gole iyo Masuuliyiin kale.

Guddoomiye ku-xigeenka 1aad ee golaha aqalka sare mudane Senator Abshir Maxamed Axmed ayaa Munaasabada kasoo jeediyay Warbixin uu kaga hadlayo waxybaabihii u qabsoomay Kalfadhigii Labaad isagoona sheegay in ay qabteen howlo aad iyo aad u fara-badan, lagama maarmaanna u ah dowladnimada kor-joogteynta, xeer-dejinta iyo matalaadda, isaga oo hiigsanaya guddiyadiisa kuwaas oo mar walba horkeenayey fadhiga guud ee golaha si go’aan looga gaaro, howlahaasi waxaa ka mid ahaa: hindise sharciyeedyo dhowr ah kuwaas oo goluhu si taxadar leh uga baaraan-dagay iyada oo lagu sad goynayey danaha guud ee qaranka isaga oo mid ka mid ah la meel-mariyay halka kuwa kalana u madlan yihiin kalfadhiga soo socda.

Guddoomiyaha gobalka Banaadir ahna Duqa Muqdisho Thaabid Cabdi ayaa sheegay in ay la shaqeyn doonaan Aqalka sare, isagoo bogaadiyay howlihii ay qabteen Kalfadhigii Labaad.

Guddoomiyaha Maxkmada sare ee Soomaaliya Ibraahim Iidle Suleymaan ayaa dhankiisa amaanay guulihii aqalka sare uu gaaray Kalfadhigii labaad, isagoo sheegay in wax lagu farxo ay tahay howlaha adag ee qabsoomay.

Sidoo kale waxaa Munaasabada ka hadlay Guddoomiyaha golaha shacabka Mudane Maxamed Sheekh Cusmaan Jawaari oo u hambalyeeyay Aqalka sare, isagoona sheegay in Labada Gole ay guud ahaan usoo xirmeen Kalfadhiyadooda Labaad.

Guddoomiyaha Aqalka sare Cabdi Xaashi Cabdulaahi ayaa u mahad celiyay dhamaan Masuuliyiintii iyo marti sharaftii kale ee kasoo qeyb gashay Munaasabada lagu xirayay Kalfadhiga Labaad ee Golaha Aqalka sare, wuxuuna sheegay in golaha uu qabtay hawshii loo igmaday, si fiicana uu u gutay Waajibaadkii looga baahnaa.

Madaxweyne Farmaajo oo gaaray Qandho

SNTV
-
0
Madaxweyne Farmaajo oo gaaray Qandho

Madaxweynaha Jamhuuriyada Federaalka Soomaaliya Mudane Maxamed Cabdulaahi Farmaajo iyo Wafdi uu hoggaaminayo ayaa gaaray Magaalada Qardho, iyadoo si weyn loogu soo dhaweeyay.

Masuuliyiinta Magaalada Qardho iyo qeybaha kala duwan ee Bulshada ayaa wafdiga Madaxweynaha kaga hortagay magaalada banaankeeda si ay u soo dhaweeyaan, waxaana dhamaan wajiyadooda ka muuqday dareen farxadeed ay u qabaan in Madaxweynaha uu soo booqdey.

Madaxweyne Farmaajo ayaa kulamo la qaadan doona Masuuliyiinta, waxgaradka iyo Qeybaha kala duwan ee Bulshada Qardho , waxa uu  kala hadli doona Arrimo badan oo ku saabsan horumarka Bulshada iyo sidii wadajir loogu wada shaqeyn lahaa.

Madaxweynaha Jamhuuriyadda Federaalka Soomaaliya Mudane Maxamed C/llaahi Farmaajo ayaa lagu wadaa in deegaano kale oo ka tirsan Puntland iyo Galmudug uu booqdo maalmaha soo socda waana booqashadii ugu horeysay Madaxweynaha Soomaaliya uu tago deegaanadaasi tan iyo markii la doortay.

Madaxweyne Farmaajo “Rajada aan qabo waxa ay tahay in ardayda waxbaratay ay aqoontooda wax ugu qaban karaan dalka”

SNTV
-
0
Madaxweyne Farmaajo “Rajada aan qabo waxa ay tahay in ardayda waxbaratay ay aqoontooda wax ugu qaban karaan dalka”

 

Garoowe, 9 Jan 2018: Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo maanta khudbad u jeediyey ardayda wax kabarata jaamacdaha Puntland ayaa sheegay in uu rajo wanaagsan ka qabo mustaqbalka dalka maadaama ay kordhayaan xarumaha waxbarasho ee dalka.

Madaxweyne Farmaajo oo ardayda kula hadlay Hoolka Jaamacadda Bariga Afrika ee Garoowe ayaa yiri “Rajada aan qabo waxa ay tahay ardayda waxbaratay oo aan aaminsanahay in ay aqoontooda wax ugu qaban karaan dalkooda, kuna horumarin karaan. Maxaa yeelay dhallinyaradeenna waxa ay ka yihiin bulshada in ka badan 70%, taasina waa rajo aad u weyn.“

Madaxweynaha ayaa xusay in ardayda Soomaaliyeed ay muujiyeen dadaal iyo sabar badan, una soo dhabar adaygeen duruufo waxbarasho oo aad u adag, haatanna looga baahanyahay in ay shaqada ka soo bilaabaan asaaska si ay khibrad iyo waayo aragnimo u yeeshaan.

Madaxweynaha ayaa ku dhiirrigaliyey dhallinyarada Soomaaliyeed in ay u tashadaan sidii dalkooda ay u dhisan lahaayeen, ugana shaqeyn lahaayeen nabadda iyo horumarka.

Sidoo kale, Madaxweynaha ayaa xusay in ay Dowladdu soo nooleynayso kaalinta culimada iyo odayaasha dhaqanka ay ku leeyihiin dowlad dhisidda iyo midnimada shacabka Soomaaliyeed.

Madaxweynaha ayaa adkeeyay in ay nabaddu asaas u tahay horumarka, loona baahanyahay in markasta laga shaqeeyo oo la ilaaliyo. Waxa uu intaas ku daray Madaxweynaha in isfahamka odayaasha dhaqanka, culimada iyo siyaasiyiinta uu asaas u yahay nabadda iyo dib-uheshiisiinta dalka.

Markii ay soo idlaatay munaasabaddani ayaa Madaxweynaha Jamhuuriyadda oo uu wehliyo Madaxweynaha Dowlad Goboleedka Puntland Mudane C/weli Maxamed Cali Gaas waxa ay soo kormeereen Isbitaalka Guud ee magaalada Garoowe iyaga oo warbixin ka dhageystay maamulka iyo dhakhaatiirta Isbitaalka.

Dhanka kale, Madaxweyne Farmaajo waxa uu guryaha ay ka deggenyihiin magaalada Garoowe ku booqday Islaan Ciise Islaan Maxamed, Garaad Saleebaan Garaad Maxamed iyo Suldaan Siciid Maxamed Garaase oo ka mid ah duubabka dhaqanka Soomaaliyeed.

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa inta uu ku suganyahay Puntland waxa uu kulamo wadatashi la yeelan doonaa qeybaha kala duwan ee bulshada.

DHAMMAAD

Madaxweyne Farmaajo Oo Maanta Booqanaya Goobo Kala Duwan ee Garowe

SNTV
-
0
Madaxweyne Farmaajo Oo Maanta Booqanaya Goobo Kala Duwan ee Garowe

Madaxweynaha Jamhuuriyadda Federaalka Soomaaliya Mudane Maxamed C/llaahi Farmaajo oo weli ku sugan magaalada Garoowe ayaa lagu wadaa in maanta uu kormeer ku sameeyeyo xarumo kala duwan oo kuyaala magaaladaasi Garoowe ee xarunta Dowlad Goboleedka Puntland.

Xarumaha la guwado in maanta uu booqdo Madaxweyne Farmaajo waxaa kamid ah Isbitaalka Guud ee magaaladaasi,isagoo u kuurgalaya xaaladda Bukaanada kujira Isbitalka iyo adeegyada caafimaad ay helayaan,sidoo kale wuxuu warbixin ka dhageysan doonaan maamulka iyo howlwadeenada Isbitalkaasi.

Sidoo kale waxaa lagu wada in uu taga xarunta shirkadda Koronta ee magaalada Garoowe oo ah shirkad weyn oo hawada ka dhalisay Korontada,taasi oo ah shirkadii ugu horeysay oo Soomaaliya laga hirgeliyo,wuxuuna u kuur-galayaa adeegyada ay ka helaan bulshada iyo sida ay u shaqeynayso.

Madaxweynaha Dowladda Federaalka Soomaaliya ayaa dhagax dhigi doona xarumo kala duwan oo isugu jira Heer Federaal iyo Heer Dowlad Goboleed,kuwaasi oo laga dhisayto magaaladaasi Garoowe.

Ugu dambeyntiina waxaa lafilayaa in uu la kulmo ardayda wax ka barata Jaamacadaha ku yaala magaalada Garoowe,isagoo maamulada iyo ardayda ka dhageysan doona warbixin ku aadan adeegyada waxbarasho iyo baahiyaha ay qabaan.

Madaxweynaha Soomaaliya ayaa lafilayaa in uu booqdo magaalooyin kale,wuxuu shalay la kulmay waxgaradka ku dhaqan magaalada Garoowe oo kulan soo dhaweyn ah u sameeyey wafdiga uu hoggaaminayo Madaxweyne Maxamed C/llaahi Farmaajo.

Guddoomiye Jawaari Iyo R/Wasaare Khayre Oo Amaanay Waxqabadka Hay’adda Nabad Sugidda Iyo Sirdoonka Qaranka

SNTV
-
0
Guddoomiye Jawaari Iyo R/Wasaare Khayre Oo Amaanay Waxqabadka Hay’adda Nabad Sugidda Iyo Sirdoonka Qaranka

Munaasbada ballaaran oo lagu xusayay sanad guuradii 48-aad ee ka soo wareegatay aas aaskii Hay’adda Nabad Sugidda iyo sirdoonka Qaranka Somaaliyeed ayaa xalay ka dhacday Muqdisho,waxaana ka qeybgalay Guddoomiyaha Golaha Shacabka Mudane Maxamed Shekh Cusmaan Jawaari,Ra’iisul Wasare Xasan Cali Khayre,Wasiiro xildhiobaano,saraakiil iyo marti sharaf kale.

Guddoomiye Jawaari ayaa hambalyo iyo bogaadin u diray mas’uuliyiinta iyo ciidamada Hay’adda nabad sugidda iyo sirdoonka Qaranka Soomaaliyeed,isagoo ku ammaanay waxqabadkooda,islamarkaana xusay in ay tahay hay’ada muhiimad gaar ah u leh dalka.

“Waxaan Hambalyo Leeyahay Hay’adda Sirdoonka iyo Nabad sugida Qaranka Soomaaliyeed NISA oo u dabaal dagaya Xuska Sanadguuraddii 48aad ee kasoo wareegtay markii la aas-aasay sanadkii 1970, Howsha adage e qaranka aad u heysaan Alle ha idinla garab galo” ayuu yiri guddoomiye Jawaari.

Sidoo kale Guddoomiye kuxigeenka 2-aad ee Golaah SHacabka Mudane Mahad Cabdalla Cawad ayaa Hambalyo u diray Hay’adda Sirdoonka iyo Nabad sugida qaranka Soomaaliyeed ee NISA oo u dabaal dageysa Xuska Sanadguuraddii 48aad ee kasoo wareegtay markii la aas-aasay Hay’addaasi oo ku beegan Sanadkii 1970-kii.

Ra’iisul Wasaaraha Soomaaliya Mudane Xasan Cali Khayre ayaa oo hadal k ajeediyay munaasabadda ayaa ammaanay dowrka Hay’adda Nabad Sugidda iyo Sirdoonka Qaranka.

“Xukuumadda Soomaaliya waxay xoojinaysaa 2018 howlaha muhiimka ah oo ay haysay Hay’adda Nabad sugidda iyo Sirdoonka Qaranka,oo miisaaniyadda loogu daray qarash lagu xoojinayo Sirdoonka”,ayuu yiri Ra’iisul Wasaare Kahyre.

Mas’uuliyiinta kale oo u hambalyeyeysay Hay’adda Nabad Sugidda iyo Sirdoonka Qaranka waxaa kamid ah Wasiirka amniga Maxamed Abuukar Islow Ducaale,Wasiir kuxigeenka C/naasir Siciid,Taliyaha Ciidanka Xooga Dalka S/Gaas C/weli Jaamaca Xuseen(Gorod) iyo Agaasimaha Hay’adda Socdaalka iyo Jinsiyadda Col. Maxamed Aadan Koofi kuwaasi oo dhamaantooda ammaanay waxqabadka iyo kaalinta ay dalka ku leedahay Hay’adda Nabad Sugidda iyo SIrdoonka Qaranka Soomaaliyeed.

Hay’adda Sirdoonka iyo Nabad sugida qaranka Soomaaliyeed ee NISA, ayaa kamid ah Ciidammada qalabka sida ee Soomaaliyeed, waxaana lagu xasuustaa in ay ku guuleysatay soo afjarida dhacdooyin dhowr ah oo lagu dabar goynayo Maleeshiyada Kooxda Alshabaab ee laga itaalka roonaaday.

Guddoomiyaha Guddiga Madaxa Banaan Ee Doorashooyinka Qaranka Oo Ka Warbixisay Socdaalkeeda Maamulada Qaar Ku Tagtay.

SNTV
-
0
Guddoomiyaha Guddiga Madaxa Banaan Ee Doorashooyinka Qaranka Oo Ka Warbixisay Socdaalkeeda Maamulada Qaar Ku Tagtay.

Guddoomiyaha Guddiga madaxa banaan ee doorashooyinka Qaranka Xaliimo Cismaanciil Ibraahim Xaliimo yareey oo la hadashay Radio Muqdisho Codka Jamhuuriyadda Soomaaliya ayaa faah faahin ka bixisay Socdaal ay maalmihii dambe ku marayeen Gobolada Dalka gaar ahaan deegaanada hoos yimaada Maamulada Jubbaland,Koonfur galbeed iyo Hirshabeele.

Xaliimo Cismaanciil Ibraahim Guddoomiyaha Guddiga madaxa banaan ee doorashooyinka qaranka ayaa tilmaantay in guddiga oo ka duulaya Go,aankii Madaxda Qaranka ee ahaa in Dalka la gaarsiiyo doorasho qof iyo cod ah ay xoogga saarayaan hir galinta go,aanka Madaxda.
Guddiga madaxa banaan ee doorashooyinka Qaranka ayaa bilihii lasoo dhaafay waday safaro kala duwan oo ay ku tagayaan Gobolada Dalka gaar ahaan deegaada Dowlad Goboleedyada waxaa ayna gaareen maamulada Jubbaland, Koonfur Galbeed iyo Hirshabeele iyagoona tilmaamay in ay dhawaan gaari doonaan Putland iyo Galmudug.

Labada Kuuriya Oo Markii Ugu Horreysay Kulmay.

SNTV
-
0
Labada Kuuriya Oo Markii Ugu Horreysay Kulmay.

 

Markii ugu horeysay muddo sanado ah kadib ayaa wadamada Kuuriyada Waqooyi iyo Kuuriyada Koonfureed billaabay wadahadallo heer sare ah, kuwaasi oo looga hadlayo xiriirkii diblomaasiyadeed ee labada dal oo horey u burburay,iyadoo kulankaasi uu ka dhacay deegaan ku yaala xadka labada Dal ay wadaagaan oo lagu magacaabo Panmunjom.
Ujeedka ugu weyn ee Wadahadalladan ayaa salka kuhaya macquulnimada sidii Kuuriyada Waqooyi ay uga qaybqaadan lahayd ciyaaraha Olimbigga ee xilaga qaboobaha ee 2018ka, kaas oo bisha labaad ka dhici doona Kuuriyada Waqooyi,waxaana arrintaasi ay soo dedejisay wadahadalo toos ah oo dhexmaray labada dal.
War ka soo baxay Dhanka Kuuriyada Koonfureed ayaa lagu sheegay in la isla soo hadal qaadi doono dib u soo noolaynta xiriirkii dhinaca Diblomaasiyadda ee ka dhexeeyaya labada Dal,kaasi oo in muddo ah meeshu ka maqnaa.
Xiriirka labada dal ayaa sii xumaaday ka dib markii Kuuriyada Waqooyi ay joojisay barnaamij dhaqaale oo labada dal iska kaashanayeen, arrintaasina waxay timid ka dib markii Kuuriyada Waqooyi ay tijaabisay madaafiic iyo Nukliyeer,wixii xiligaasi ka dambeeyeyna majirin wada hadalo toos ah oo dhexmara labada Dal oo dersi ah.

Wasiir Axmed Ciise Cawad Oo Ballanqaaday Inuu Horumarinayo Wasaaradda Loo Magacaabay.

SNTV
-
0
Wasiir Axmed Ciise Cawad Oo Ballanqaaday Inuu Horumarinayo Wasaaradda Loo Magacaabay.

Wasiirka cusub ee Arrimaha Dibadda iyo Iskaashiga Caalamiga H.E. Amb. Ahmed Isse Awad oo maanta si rasmi ah ugala wareegay xilka Wasaaradda Wasiirkii hore H.E. Amb. Yusuf Garaad Omar Ahmed ayaa sheegay in uu dadaal u gali doono sidii loo horumarin lahaa howlaha wasaarddau ay u qabato bulshada.

Axmed Ciise Cawad Wasiirka cusub ee Wasaaradda arrimaha Dibadda Xukuumadda Soomaaliya ayaa ballanqaaday inuu horumarinayo Wasaaradda , dalka iyo dadkana ugu adeeggi doono si ay ku jirto nafhurid iyo daacadnimo.

Hadalkani ayuu ka jeediayay Xafladda xil wareejinta oo ay goob joog ka ahaayeen Ra’iisul wasaare kuxigeeenka Jamhuuriyadda Federaalka Soomaaliya H.E. Eng. Mahdi Ahmed Guled, Wasiiru dowlaha Wasaaradda Arrimaha Dibadda iyo Iskaashiga Caalamiga H.E. Mr. Abdulkadir Ahmed-Kheir Abdi, Wasiir kuxigeenka Wasaaradda Arrimaha Dibadda iyo Iskaashiga Caalamiga H.E. Mr. Mukhtar Mahad Daud, Wasiiru dowlaha Xafiiska Ra’iisul wasaaraha H.E. Mr. Abdullahi Hamud, Xildhibaanno ka kala tirsan Aqalka hoose iyo Aqalka sare, Wasiiru dowlihii hore ee Arrimaha Dibadda iyo Dhiirigelinta Maalgashiga H.E. Mr. Khaled Omar Ali, Saraakiil amni, Danjireyaal, Diblomaasiyiin, Agaasimeyayaasha waaxyaha iyo howlwadeennada kala duwan ee Wasaaradda Arrimaha Dibadda iyo Iskaashiga Caalamiga.

Hadal uu madasha ka jeediyay Wasiirkii hore ee Arrimaha Dibadda iyo Iskaashiga Caalamiga H.E. Amb. Yusuf Garaad Omar Ahmed ayuu ku tilmaamay Wasiirka cusub ee uu xilka ku wareejinayay saaxiib ay wadashaqeyn dhow ay kala dhexeysay, kana tirsan bahda Arrimaha Dibadda, waxaanu u rajeeyay inuu guullo ka gaaro howlaha qaran ee loo igmaday.

Danjire Yuusuf Garaad Cumar Axmed ayaa xusay in dadaallo ballaaran oo uu sameeyay iyo talo jeedinno uu bixiyay oo ku saabsan fulinta sharciga shaqaallaha dibadda ay noqdeen kuwa aan wax ka soo qaad lahayn, waxaanu Wasiirka cusub kula dardaarmay in si loo helo kaadir diblomaasi oo tayo iyo aragti dheer leh la tixgeliyo dadka ehelka u ah howlaha diblomaasiyadda, dibna loo eego tirada shaqaalaha iyo howlaha shaqo ee loo baahan yahay si ay isku dhigmaan.

Danjire Yuusuf Garaad ayaa hadalkiisa waxa uu intaa sii raaciyay muhiimadda ay leedahay in tiro ku dhow 50 dal lala furo xiriir diblomaasiyadeed, iyada oo la balaarinayo matalaadda safiirrada hadda shaqeeya oo ka wakiil noqonaya dalal kale oo la ood wadaag ah dalka ay sida rasmiga ah u degan yihiin.

Wasiirkii hore ee Arrimaha Dibadda iyo Iskaashiga Caalamiga ayaa ku sifeeyay diblomaasiga mid aan ka shaqa yareyn askariga hubeysan ee damaacinaya inuu dalaco, gaaro darajada Sarreeye Guud, halka diblomaasigu ku shaqeeyo qalin iyo maskax la tuujiyay, kuna dadaalo sidii uu ku gaari lahaa darajada Safiir, isaga oo xusay in socdaallo miradhal noqday oo uu ku kala tagay wadamada India iyo Seychelles ay horseedeen siideysmada iyo u doodidda muwaadiniin Soomaali ah oo lagu eedeeyay burcad badeednimo.

Dhankiisa, Danjire Axmed Ciise Cawad, Wasiirka cusub ee Arrimaha Dibadda iyo Iskaashiga Caalamiga ayaa ammaannay dhiirannaanta Wasiirkii hore Danjire Yuusuf Garaad, oo uu ku tilmaamay mas’uul u diyaar ah inuu u adeeggo dalkiisa iyo dadkiisa, isagoo xusay inuu latashiyo la sameyn doono, kana faa’ideysan doono khibraddiisa iyo waaya-aragnimadiisa.

Ra’iisul wasaare kuxigeeenka Jamhuuriyadda Federaalka Soomaaliya Mudane, Mahdi Axmed Guuleed, oo sheegay in xiriirka diblomaasiyadeed ee Soomaaliya uu sii hanaqaadday, lagana rajeynayo Wasiirka cusub inuu dardargeliyo jiheynta Siyaasadda Arrimaha Dibadda iyo ka guul keeniddeeda.

Madaxweynaha Soomaaliya Oo Socdaal Dhanka Dhulka Ah Ku Marayo Gobolada Bari.

SNTV
-
0
Madaxweynaha Soomaaliya Oo Socdaal Dhanka Dhulka Ah Ku Marayo Gobolada Bari.

Markii ugu horeeysay, Madaxweyne Farmaajo ayaa ku maraya Safarkii ugu dheeraa oo dhinaca dhulka ah deegaano ka mid ah 18-ka gobol ee dalka, goobaha uu ku maraayo safarada dhulka ah ayaa waxaa ka mid ah deegaano ka mid ah Dowlad Gobeoleedka Puntland, waxaana la filayaa in dhowr magaalo uu ku maro socdaal dhanka dhulka ah.
Madaxweynaha Jamhuuriyadda Federaalka ah ee Soomaaliya Mudane Maxamed Cabdulaahi Farmaajo ayaa safarkiisan uu ku marayo deegaanada Puntland salka uu ku hayaa u kuurgelid xaaladda ka jirta deegaanada Puntland.

Sida lagu helayo waar hor dhac oo soo gaaraya SNTV ayaa waxay tibaaxayaan in magaalooyinka uu booqnayo ay ka socdaan dhaqdhaqaayo xooggan oo lagu soo dhoeynayo madaxweynaha, deegaanadaasi ayaa waxaa ka mid ah Magaaada Qardho, Waaciye, Carmo ilaa Boosaaso oo dhammaantood ka wada tirsan Gobolka Bari.

Safarkan ayaa waxa uu noqon doonaa safarkii ugu horreeyey ee madaxweynaha jamhuuriyadda Federaalka Soomaaliya uu ku socdaalo dhanka dhulka ah uu ku maro boqolaal KM.

Madaxweyne Farmaajo Oo Daah-Furay Garoonka Diyaaradaha Garoowe.

SNTV
-
0
Madaxweyne Farmaajo Oo Daah-Furay Garoonka Diyaaradaha Garoowe.

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo Madaxweynaha Dowlada goboleedka Puntland Mudane Cabdiwali Maxamed Cali Gaas ayaa si wada jir ah maanta oo Isniin ah u Daah-furay garoonka diyaaradaha ee Janaraal Maxamed Abshir Muuse ee magaalada Garoowe.

Madaxweynaha Puntland, C/wali Maxamed Cali Gaas oo ugu horeyn ka hadlay Munaasabada daah furka Garoonka diyaaradaha magaalada Garowe ayaa sheegay in mudo ay ku taamayeen iney helaan Garoon caalami ah oo laga hirgeliyo Garowe oo hadda caasimad u ah maamulka Puntland,islamarkaana ku suurta gashay isku tashi dadweynaha iyo Dowlad Goboleedka Puntland ah.

Wuxuu madaxweynaha Puntland Mr. Gaas uu sheegay in Dowladda Federaalka looga baahan yahay dhameystirka Garoonka iyo iney daboosho baahida loo qabo adeega tababarada,qalabka iyo baahiyaha kale ay qabaan shaqaalaha Garoonka diyaaradaha magaalada Garowe ee xarunta maamulka Puntland.

Madaxweynaha Janhuuriyadda Federaalka Soomaaliya Mudane Maxamed C/llaahi Farmaajo oo soo xiray Munaasabada ayaa sheegay in marka hore maamulka Puntland uga mahad celinayaan horumarka dhanka dumuqraadiyada ay ku tallaabasadeen,wuxuuna ku amaanay dadaalka ay geliyeen sidii loo heli lahaa Garoon caalami ah oo la jaan qaada Garoomada kale ee caalamka oo laga hirgeliyo magaalada Garowe.

Waa Garoonkii labaad oo laga hirgeliyo Puntland,waxaana Garoonka diyaaradaha Garowe ee maanta xariga uu ka jaray madaxweynaha Jamhuuriyadda Federaalka Soomaaliya Mudane Maxamed C/llaahi Farmaajo loogu magacdaray Generaal Abshir Maxamed Muuse oo qeyb ka ahaa saraakiishii Ciidamada Puntland.

1...1,3141,3151,316...1,657Page 1,315 of 1,657

© 2023 Telefishinka Qaranka Soomaaliyeed