Search
Subscribe
Home Blog Page 1179

Saraakiil Shabaab ah oo lagu dilay duqeyn ka dhacday Gobolka Gedo.

SNTV
-
0
Saraakiil Shabaab ah oo lagu dilay duqeyn ka dhacday Gobolka Gedo.

Muqdisho (SNTV)- Duqeyn diyaaradeed ayaa xalay waxa ay ka dhacday tuulooyinka Makka iyo Qansax-oomane oo hoostaga degaanka Ceel-cadde oo ka tirsan gobolka Gedo, sida ay  sheegeen masuuliyiin ka tirsan gobolkaasi.

Diyaarado dagaal oo joog hoose ku socday ayaa gantaallo culus la beegsaday fariisimo Ururka Al Shabaab ay ku leeyihiin tuulooyinka ku dhaw degaanka Ceel-cadde.

Korneel Cabaas Gurey oo ka mid ah saraakiisha ciidanka dowladda gobolka Gedo ayaa wuxuu sheegay goobta la bartilmaameedsaday inay ku sugnaayeen saraakiil ka tirsan Al Shabaab oo uu ka mid yahay taliyaha amniyaadka Al Shabaab ee gobolka Gedo.

Wuxuu sheegay Korneel Cabaas duqeyntan inaanay jirin khasaare dad shacab ah ka soo gaaray, taasi bedelkeeda ayuu tilmaamay inay khasaare kala duwan ku gaarsiiyeen xubno ka tirsan Al Shabaab.

“Duqeyntu waxay aheyd mid lala eegtay kooxaha nabad-diidka Al Shabaab, waxaan ognahay inaanay dhib gaarin shacabka, balse waxaa lala beegsaday nimanka cadowga ah, dhimasho iyo dhaawac aya ku gaaray, goobta la bartilmaameedsaday waxaa ku sugnaa taliyaha amniga gobolka Gedo ee Shabaab”. Ayuu yiri Korneel Cabaas Gurey.

 

 

http://www.dhacdo.org/wp-content/uploads/2018/10/http://www.dhacdo.org/wp-content/uploads/2018/10/http://www.dhacdo.org/wp-content/uploads/2018/10/http://www.dhacdo.org/wp-content/uploads/2018/10/http://www.dhacdo.org/wp-content/uploads/2018/10/

Shacabka Hiiraan oo la dagaalamaya maleeshiyada Alshabaab

SNTV
-
0
Shacabka Hiiraan oo la dagaalamaya maleeshiyada Alshabaab

Hiiraan(SNTV)- Qaar ka mid ah shacabka ku dhaqan deegaanada Gobalka Hiiraan ee Bartamaha Soomaaliya ayaa wada iska caabin ay kaga hortagayaan maleeshiyaadka Argagixisada ah ee Al-Shabaab, kuwaasi oo caadaystay inay dhacaan hantida dadka.

Ololaha dadku ay isaga caabinayaa dhibaatooyinka ALshabaab ayaa muddooyinkan soo ifbaxay,iyadoo sidoo kale Gobolka SHabeelada Dhexe ay ka socdaan abaabulo ka dhan ah Alshabaab oo ay wadaan dadka deegaanka oo is abaabulay.

Gobolka Hiiraan ayaa kamid ah meelaha Shabaabku ay dadka ku dhibaataynayaan.

Mid ka mid ah dadka deegaanka oo ku dhaqan Gobolka Hiiraan ee u istaagay inay iska dhiciyaan Argagixisada Al-Shabaab ayaa wuxuu sheegay markii ay u dulqaadan waayeen dhibaataynta iyo dhaca maleeshiyadaan ay ku hayso inay hubka qaateen.

“Al-Shabaab waxay rabaan inay Afduubtaan caruurteena, sidoo kalana ay dhacaan xoolo iyo wixii kale oo hanti ah oo aan haysano, waa dad doonaya oo kaliya xoolaha islaamka, anagana kama yeelayno waana iska celinaynaa.” sidaasi waxaa yiri mid ka mid ah dadka la dagaalamaya Argagixisada Al-Shabaab.

Dhanka kale militariga Soomaaliya ayaa gacan siinaya shacabka go’aansaday in ay la dagaalamaaan Alshabaab,taasi oo keeni kartaa in ay wada shaqeyn dhexmartay ciidamada iyo shacabka oo fahmay dhibaatada ALshabaab,islamarkaana keeni karta in Alshabaab looga adkaado gulufka dagaal.

Soomaaliya iyo UNHCR oo ka wada hadlay arrimaha Soomaalida ku go’doonsan Liibiya

SNTV
-
0
Soomaaliya iyo UNHCR oo ka wada hadlay arrimaha Soomaalida ku go’doonsan Liibiya

Geneva (SNTV):- Wasiirka Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya, Mudane Danjire Axmed  Ciise Cawad, ayaa kula kulmay Magaalada Geneva ee Switzerland Guddoomiyaha hey’adda Qaxootiga u qaabilsan Qaramada Midoobey (UNHCR) Mudane Filippo Grandi kaas oo looga hadlay Arrimaha Qoxootiga Dalka Liibiya.

Mudane Axmed Ciise Cawad ayaa sidoo kale kala hadlay Filippo Grandi barnaamijka dib ugu celinta dalka si iskeed ah qaxootiga Soomaaliyeed ee ku nool Kenya, Yemen iyo Liibiya,islmarkaana kaalmo u fidin degdeg ah loo lala gaari lahaa qaxootiga kahor intaanan dalka dib loogu celin iyo kadibba.

Kulankan shalay ka dhacay magaalada Geneva waxaa goobjoog ka ahaa Ergeyga Joogtada ee Soomaaliya u qaabilsan Xarunta Qaramada Midoobey ee Geneva, Marwo Faadumo Cabdullahi Maxamuud (Insaaniya), Safiirka Soomaaliya ee wadamada la isku yiraahdo “Benelux” iyo Xarunta Midowga Yurub ee Brussels Dr. Cali Siciid Faqi, Guddoomiyaha Hey’adda Qaranka ee Arrimaha Qaxootiga iyo Barakacayaasha, Mudane Axmed Cabdikarim Nuur (Axmed-Daahir) iyo Ergeyga gaarka ee Soomaaliya ee Tahriibka iyo Xuquuqda Caruurta, Marwo Maryan Yaasiin Xaaji Yuusuf.

Soomaaliya iyo Sacuudiga oo heshiis kala saxiixday

SNTV
-
0
Soomaaliya iyo Sacuudiga oo heshiis kala saxiixday

Muqdisho (SNTV):- Wasiirka wasaaradda Gaadiidka iyo Duulista Hawada Dowladda Federaalka Soomaaliya H.E  Mohamed Abdullahi Salaad (Oomaar) ayaa Dalka sucuudida ugu qeyb galay Shirka Aasaaska Amniga Hawada Dawladaha Carabta (Regional Aviation Safety Oversight Organisation) kaasoo ay dowladaha xubnaha ka ah ay iska kaashanayaan bad-qabka dayuuradaha isticmaala hawooyinkooda.

Wasiirka oo Kulamo gar gaar ah la yeeshay Wasiirka Gaadiidka ee Boqortooyada Saudi Arabia Nabeel bin Mohammed Alamudi iyo  madaxa Shirkadda Saudi Airlines ayaa kulankooda uga hadlay iskaashi labada dal ee dhinaca Duulista.

Mohamed Abdullahi Salaad Wasiirka Gaadiidka iyo Duulista Hawada XFS iyo  Wasiirka Gaadiidka ee  Boqortooyada Saudi Arabia  Nabeel bin Mohammed Alamudi ayaa ugu dambeyn labada dowladood u kala saxiixay heshiis ku saabsan iskaashi dhinaca duulista Hawada labada wadan.

Dowladda Sucuudiga ayaa kamid ah wadamada taageera Soomaaliya,waxaa sidoo kale ay kamid tahay wadamada xiriirka dhinaca Diplomaasiyadda la leh Dalka Soomaaliya,kaasi oo ahaa mid soo jireen ah.

Wasiirka Ganacsiga oo la kulmay Guddiga dhaqaalaha ee aqalka sare

SNTV
-
0
Wasiirka Ganacsiga oo la kulmay Guddiga dhaqaalaha ee aqalka sare

Muqdisho (SNTV)- Wasiirka Wasaaradda Ganacsiga iyo Warshadaha Xukuumadda federaalka Soomaaliya ayaa warbixin ku aadan horumarka ganacsiga dalka siiyey Guddiga dhaqaalaha, Maaliyada iyo Ganacsiga ee Golaha aqalka sare BFS.

Wasiirka wasaaradda Ganacsiga iyo Warshadaha Xukuumadda federaalka Soomaaliya mudane Maxamed Cabdi Xayir Maareeye iyo Guddiga dhaqaalaha maaliyada ganacsiga ee golaha aqalka sare ayaa muddo saacado ah warbixin iyo su’aalo ku aadan howlaha wasaaradda ganacsiga is dhaafsanayay.

Markii uu soo gabogaboobay kulankooda ayaa warbaahinta Qaranka ugu horayn waxaa la hadlay Wasiirka wasaaradda Ganacsiga iyo Warshadaha Xukuumada Federaalka Soomaaliya.

Wasiirka ayaa sheegay in Guddiga dhaqaalaha, maaliyada iyo ganacsiga ee Golaga Aqalka sare ay warbixin ka siiyeen horumarka ay wasaarada ku tilaabsatay iyo is dhaafsiga ganacsiga qaar ka mid ah dowladaha dariska iyo kuwo kale.

“Horumar ballaaran oo dhinaca ganacsiga Soomaaliya ayaa jira iyo qorshooyin ay haatan wado Wasaaradda Ganacsiga oo lagu doonayo in dowladaha deriska iyo kuwa kalaba la is dhaafsado ganacsiga, maadaama dhulkeenu hodan yahay” ayuu yiri Wasiir Maareeye.

Guddoomiyaha Guddiga dhaqaalaha, maaliyada iyo ganacsiga Golaha Aqalka sare BFS Senatar Mudane Cabdi Axmed Dhuxuloow ayaa dhankiisa sheegay in wasaaradda ay yeeshaan kulan bila ah oo looga hadlayo howlaha
wasaarada iyo tayada ganacsiga yimaada dalka.

“Waa kulan bila ah oo wasaaradda warbxin iyo su’aalo isku dhaafsano, waxa soo kordhay iyaddoo wasaaradda samaysay hay’ad kormeerta lana socota tayada badeecadaha dalka yimaada oo aan horay ugu balamay wasaarada ganacsiga” ayuu yiri Senatar Dhuxuloow.

 

Wasiirka Caddaalada XFS oo soo xiray tabbabar ku saabsan ilaalinta xaquuqda carruurta

SNTV
-
0
Wasiirka Caddaalada XFS oo soo xiray tabbabar ku saabsan ilaalinta xaquuqda carruurta

Muqdisho (SNTV)– Wasiirka Caddaalada ee Xukuumadda FS ayaa galabta soo xiray tabbabar ku saabsan sare u qaadista ilaalinta xaquuqda carruurta.

Tababarka oo socday labo maalin ayaa loo qabtay qaar ka mid ah howl wadeenada hay’adaha caddaalada, waxaana looga hadlay sare u qaadisata ilaalinta xaquuqda carruurta Soomaaliyeed.

Yaxye  Maxamuud Siciid oo u hadlay shaqaalaha ka socday hay’adaha kala duwan ee garsoorka dalka ee tabbabarka qaatay ayaa sheegay in tabbabarka laga faa’iidey waxbadan.

Wasiirka Caddaaladda Xukuumadda Federaalka Soomaaliya Mudane Xasan Xuseen Xaaji ayaa u sheegay ka qayb galayaasha in ilaalinta xaquuqda carruurta ay tahay muhiimad weyn, isla markaana Wasaaraddu badin doonto tabbabarada noocaani oo kale ah, si loo sii xoojiyo ilaalinta xuuuqda carruurta Soomaaliyeed.

Maalin ka hor ayay ahayd markii Wasiirka Haweenka iyo hormarinta xaquuqul insaanka dalku saxiixday heshiiska caalamiga ah ee dhowrista xaquuqda carruurta ee Qaramada Midoobay, waxaana Dowladda Soomaaliya muddooyinkii dambe ay dadaal xoogan ugu jirtay sidii sare loogu qaadi lahaa hay’adaha garsoorka dalka iyo ilaalinta xaquuqda Aadanaha.

Dowladda oo si gaar ah u ilaalineysa Xuquuqda Naaafada

SNTV
-
0
Dowladda oo si gaar ah u ilaalineysa Xuquuqda Naaafada

Muqdisho (SNTV)– Dawladda Federaalka Somaaliya ayaa waxay saxiixday qaraarka Qarammada Midoobay ee lagu ilaalinayo islamarkaasna kor loogu qaadayo xuquuqda dadka Naafada ah.

Wasiirka Wasaaradda Haweenka iyo Horumarinta Xuquuqda Aadanaha, Marwo Deqa Yasin ayaa saxiixday qaraarkan kadib markii ay ka qeyb-gashay shirkii golaha guud ee Qarammada Midoobay ee New York.

“Shalay waxay ahayd maalin taarikhda u gashay kor u qaadida dadka Naafada ah ee Soomaaliya, sababtoo ah waxan maanta kamid noqonnay qaraarka caalamiga  ee xuquuqda dadka naafada ah, Qaraarkanina wuxuu taageero ku biirin doonaa shaqadii hore ee ka socotay gudaha Soomaaliya ee ahayd in wax laga baddalo dabeecadaha iyo hababka loola dhaqmo dadka naafada ah” ayey tiri Wasiir Deeqa

Waxay intaas ku dartay wasiirku “marka la gabogabeeyo ansixinta qaraarkan, Soomaaliya waxay mar kale muujinaysaa sida ay uga go’an tahay fulinta waajibaadkeeda ku aadan xuquuqda dadka naafada ah, sida ku cad dastuurkeena, tubta hirgelinta xuquuqda aadanaha ee qaranka iyo waajibaadka warbixta muddaysan ee lanaga rabo”

Qaaraarkani waa mid caalami ah, kaasoo caddeynaya xuquuqda dadka naafada ah, gaar ahaan wadammadda qeybta ka ah axdigani waxay ku heshiiyeen inay xoojiyaan, difaacaan islamarkaasna hubiyaan inay si buuxda oo loo simman yahay dadka naafada ahi uga faa’iidaysanayaan dhammaan xuquuqdooda bini’aadaminimo iyo xoriyadooda aasaasiga ah, iyo sidoo kale in kor loo qaado ixtiraamka sharaftooda ay dhaxalka u leeyihiin.

Ra’isul wasaare Kheyre oo booqday xarumaha waxbarasho ee dowladda

SNTV
-
0
Ra’isul wasaare Kheyre oo booqday xarumaha waxbarasho ee dowladda

Muqdisho(SNTV) –Ra’iisul Wasaaraha xukuummadda federaalka Soomaaliya, mudane Xasan Cali Khayre, oo maanta kormeeray dugsiga sare ee Jabuuti oo kamid ah iskuulladii dhawaan ay dawladdu la wareegtay, ayaa wasaaradda waxbarashada iyo tacliinta sare ku ammaanay hannaanka hufnaanta iyo dhaqsaha leh ee ay iskuulaadka ku gaarsiinayso buugaagta manhajka cusub ee waxbarashada.

Ra’iisul Wasaare Xasan Cali Khayre oo uu wehliyo wasiiru dawlaha waxbarashada iyo tacliinta sare, ayaa mid mid u galay fasallada iskuulka oo ay ka socotay qaybinta buugaagta manhajka ay dhawaan dawladdu daah-furtay, waxa uuna xog-waraystay maamulka iyo macallimiinta iskuulka.

Ra’iisul Wasaaraha xukuummadda federaalka Soomaaliya ayaa caddeeyay in dawladda ay ka go’antahay dhaqan gelinta waxbarasho lacag la’aan ah oo leh tayo sare.

Ra’iisul wasaaraha ayaa maamulaha iskuulka kula dardaarmay in si hufan loo dhaqan geliyo manhajka si ardayda Soomaaliyeed uga faa’iidaystaan loona dhiso garaadka iyo aqoonta jiilka soo koraya.

Xukuummadda federaalka Soomaaliya ayaa dhawaan ku guulaysatay hir-gelinta manhajka cusub iyo waxbarasho lacag la’aan ah si sare loogu qaado tayada waxbarashada, wiil iyo gabar kasta ee Soomaaliyeedna loo siiyo fursadda waxbarasho ee ay xaqa u leeyihiin.

Hir-gelinta nanhajka ayaa meesha ka saaraysa dhibaatadii lagu qabay manhajyadii kala duwanaa ee dibadda laga soo dhoofiyay, waxa uuna fudaynaa tayaynta waxbarashada, kormeerka iskuulladda iyo qaadista imtixaanka midaysan.

up

Bahda Waxbarashada oo soo Dhaweysay Barnaamijka Dowlada kula wareegeyso Iskuulada waaweyn

SNTV
-
0
Bahda Waxbarashada oo soo Dhaweysay Barnaamijka Dowlada kula wareegeyso Iskuulada waaweyn

Muqdisho (SNTV) Aqoonyahanada iyo Ardayda Soomaaliyeed ayaa soo dhaweeyay Talaabada ay Dowlada Soomaaliya kula wareegeyso Qaar ka mid ah Iskuulada waa weyn Dalka.

Mid ka mida Macalimiinta Wax ka dhiga Iskuulada ku yaala Magaalada Muqdisho oo Warbaahinta Qaranka la hadlay ayaa sharaxaya Faa’iidooyinka ku jira in Dowlada ay la wareegto Iskuulada ugu waa weyn Dalka.

“Anigoo ka mid ah Macalimiinta Iskuulka Raage Ugaas waxaan aad iyo aad usoo dhaweynayaa in Dowlada ay la wareegtay ilaa iyo hada Toban Iskuul, inay Dowlada la wareegto ama la Midowdo Iskuuladaasi waxaa ku jira faa’iidooyin waa weyn waxaa ka mid ah in lasoo saaro Arday Tayo leh oo Dowladana ay ka warheyso Tayadooda”.

Qaar ka mid ah Ardayda oo Warbaahinta Qaranka la hadlay ayaa si weyn u bogaadiyay Talaabooyinka Hormarka u ah Waxbarashada oo Dowlada Federaalka ay wado, iyagoo ku tilmaamay guul usoo hoyatay dhamaan Ardayda Soomaaliyeed in Dowlada ay gacanta ku dhigto Iskuulada ugu waa weyn Dalka.

Maamulka Iskuulka Raage Ugaas oo sidoo kale nala hadlay ayaa Talaabadan Dowlada qaaday ku tilmaamay mid wanaagsan, iyagoona sheegay inay raali ka yihiin in Dowlada ay la wareegto.

“Arintaas way wanagsan tahay aniga waxaan wax ku bartay Waxbarashadii lacag la’aanta ee Dowlada ka dibna jaamacadii Umadda oo Lacag la’aan aheyd, waxaan ka mid ahay dadka wax ku bartay Waxbarashadii lacag la’aanta ee Dowliga diyaar ayaana u nahay inaan la shaqeyno Dowladeena”.sidaas waxaa yiri Maamulaha Iskuulka Raage Ugaas Cabdi raxmaan Maxamuud Cali

Wasaaradda Waxbarashada hiddaha iyo tacliinta sare ee Xukuumadda Soomaaliya, ayaa dhawaan iskuullada Dowladda u qeybisay Buugaagta Manhajka  ee dhawaan ay diyaarisay Wasaaradda Waxbarashada Soomaaliya

Dowladda Soomaaliya oo ku caawineyso shacabkeed la dagaalanka Alshabaab

SNTV
-
0
Dowladda Soomaaliya oo ku caawineyso shacabkeed la dagaalanka Alshabaab

Muqdisho-(SNTV)-Taliyaha Ciidanka Xoogga Dalka Soomaaliyeed, S/Gaas, Daahir Aadan Cilmi (Indha Qarsho) ayaa sheegay in uu taliska Ciidanka Xoogga Dalka Soomaaliyeed garab taagan yahay Shacabka u bareeray in ay iska caabbiyaan kooxda nabad-diidka ah ee Al-Shabaab.

S/Gaas, Indha Qarshe, ayaa intaa raaciyay inay soo dhoweynayaan Shacabka is-xilqaamay ee meel walba kula dagaallamaya cadawga, isla maraakaana go’aansaday inay iska Dul-qaadaan dulliga ay Ummada ku hayaan Argagixisada Al-Shabaab.

Wuxuuna intaa raaciyay taliyuhu iyaga oo ka faa’iideysanaya dareenka Shacabka Soomaaliyeed ay isaga celinayaan cadawga in ay Laba jibbaaraan dagaalladii iyo howl-galkii ka dhanka ahaa Al-Shabaab, isagoo ballanqaaday inay taageero buuxda la garab taagan yihiin Shacabka.

“Waxaa xaqiiqa ah oo aan dareennay annagoo CXDS ah in meel walba wax laga soo sheegayo, oo Shacabka Soomaaliyeed uu kacay oo is-xilqaamay ,oo u adkaysan waayay dhibaatada ay Shacaka Soomaaliyeed ku hayaan, oo ay u diyaar garoobeen inay iska dhacshaan”,ayuu yiri taliyuhu.

Taliye, Indha Qarshe ayaa sidoo kale sheegay in Ciidanka xoogga Dalka Soomaaliyeed uu qorshahiisu yahay in Sanadka 2019-ka inta ka dhiman ay Dalka oo idil ka xoreeyaan Kooxda nabad-diidka Al-Shabaab oo Ummada ku haya dhibaatooyin ba’an.

1...1,1781,1791,180...1,712Page 1,179 of 1,712

© 2023 Telefishinka Qaranka Soomaaliyeed