Search
Subscribe
Home Blog Page 1101

Obama Oo ugu baaqay Madaxda Kenya in la joojiyo khilaafyada xagga qabaa’ilka ee ka dalkaas kadhaca

SNTV
-
0
Obama Oo ugu baaqay Madaxda Kenya in la joojiyo khilaafyada xagga qabaa’ilka ee ka dalkaas kadhaca

Madaxweynihii hore ee waddanka Mareykanka Barack Obama ayaa ka dhoofay caasimadda Kenya ee Nairobi, kaddib markii uu soo gabagabeeyey safar labo maalmood qaatay oo uu ku tagay dalkaas.

Obama ayaa ugu baaqay hoggaamiyayaasha Kenya, in ay ka shaqeeyaan horumarinta Kenya isla markaana ay joojiyaan kala qeybsanaanta dhinaca siyaasadda,Isagoo sidoo kale ku baaqay in lala dagaallamo musuqa-maasuqa

Obama ayaa la kulmay madaxweyne Uhuru Kenyatta iyo hoggaamiyaha mucaaraadka Raila Odinga isagoo kala hadlay sidii loo joojin lahaa khilaafyada xagga qabaa’ilka ee ka dalkaas kadhaca.

Waxana deeganka  aabihii uu ka soo ee ku yaalla  Kogelo uu ka furay iskuul ay carruurtaas deegaankaas wax kubartaan.waxaa uu sidoo kale halkaas   ka furay xarrun Sports taasoo leh garoon kubadda cagta iyo mid kubadda gacanta ah, wuxuuna sidoo kale bixiyey agab Sports.

Shaashado waaweyn ayaa lagu rakibay tuulada K’Ogelo halkaasoo dadweyne fara badan ay toos ugala socdeen xafladda furitaanka xarrunta Sports.

Mr. Obama ayaa markii ugu horresay booqday tuulada K’Ogelosannadkii 1987-dii, xilligaas oo uu ahaa nin dhallinyaro ah oo u ololeeya arrimaha bulshada.

Obama ayaa noqday qofkii ugu horreeyay ee madow ah oo madaxweyne ka noqda Mareykanka, isagoo sideed sanno madaxweyne ka ahaa dalka Mareykanka, waxana  xilka  ka beddelay  Donald Trump doorashadii dalkaas ka dhacday bishii November 2016.

Waa safarkiisii afaraad ee Obama uu ku tago Kenya, waxa uu markii ugu horreysay ka tagay sannadkii 1987, isagoo sidoo kale tagay sannadkii 2006 iyo sannadkii 2015 xilligaasoo uu Ahaa Madaxweynaha mareykanka

Sweden iyo Soomaaliya oo wada hadlay

SNTV
-
0
Sweden iyo Soomaaliya oo wada hadlay

Muqdisho (SNTV)- Madaxwenaha Jamhuuriyadda Federaalka ah ee Soomaaliya Maxammed Cabdullaahi Maxammed Farmaajo ayaa intii  uu socday   kullanka beesha caalamka iyo Soomaaliya ee  ka socda waddanka Belgium magaalad xarunta u ah ee Brussels maalintii labaad waxa uu la kulmay wasiirka arrimaha dibadda Swedan margot wallstrom.

Kulanka madaxweynaha iyo haweeneyda u qaabilsan arrimaha dibadda Sweadan ayaa arrimaha diiradda ay ku saareen waxaa ka mid ah dhismada dowladnimada, amniga iyo hiigsiga horumarada amni ee Soomaaliya ay hiigsaneyso, waxaa intaasi dheer oo ay isla soo hadal qaadeen labada masuul arrimaha haweenka ee dhammaan dhinacyada siyaasadda, dhaqaalaha iyo hab nololeedka bulshada.

Brussels waxaa ka socdo shir ay ka qeyb galayaan golayaasha dowladda dhexe iyo maamul gobaleedyada, waxaana dhamman dhinacyadaasi hormuud u ah Madaxweynaha jamhuuriyadda federaalka ah ee Soomaaliya.

Shirka Brussels ayaa la filayo in maanta la soo gaba-gabeeyo, arrimaha sida gaarka ah diiradda loogu saarayo waxaa ka mid ah Maal-gashiga, ganacsiga, dhaqaalaha dowliga ah iyo horumarka dib u habeynta kaabayaasha dhaqaalaha.

Masar oo Meel marisay Sharci ogolaanaya inay Dhalasho bixiso

Yoonis Duraan
-
0
Masar oo Meel marisay Sharci ogolaanaya inay Dhalasho bixiso

Dawladda Masar ayaa soo saartay sharci cusub oo dadka Ajnabiga ah u
ogolanaya inay qaataan dhalashada dalkaas, hadii ay maalgashi samayn
karaan.

Baarlamanka dalka Masar ayaa meel mariyey xeerkan oo dadka Ajnabiga ah
u ogolaanaya inay dalban karaan dhalashada Masar, hadii ay Bangiyadda
dalkaasi dhigtaan lacag garaysa 400 oo Kun oo Doller.

Xeerkan waxaa ku jira in qofka Ajnabiga ah ee dhalashada Masar
dalbanaya in uu 5-sano hore u daganaa dalka, lacagta Bangiga u taalna
aysan ka yarayn 7-Milyan oo lacagta dalka Masar ah.

Arrintan waxaa looga gol leeyahay in sare loogu qaado maalgashiga
dalka Masar, laguna soo jiito hantiilayaasha ajnabiga ah, si
dhaqaalohooda looga faa’iido.

Dowlada Somalia oo Culimada dalka kala tashaneysa ladagaalanka fikradaha xagjirka

SNTV
-
0
Dowlada Somalia oo Culimada dalka kala tashaneysa ladagaalanka fikradaha xagjirka

Ra’iisul Wasaaraha Xukuumadda Federaalka ah ee Soomaaliya Mudane Xasan Cali Kheyre ayaa kulan la qaatay xubno ka tirsan Culimada Soomaaliyeed, kaasi oo ku aadan in culimadu ay door wayn ka qaataan wacyi gelinta bulshada.

Kulanka oo ka qabsoomay xafiiska Ra’iisul Wasaaraha Soomaaliya Mudane Xasan Cali Kheyre  ayuu Culimaa’udiinku kala hadlay sidii ay uga qeyb qaadan lahaayeen dadaalka ay dowladdu ku bixineyso ka hortagga fikradaha xagjirka ah ee ay maleeshiyaadka Al-Shabaab dadku ku marin habaabinayaan.

Sheekh Cali Maxamuud Xasan (Wajiis) oo ka mid ah culimada uu la kulmay Ra’iisul Wasaaraha Soomaaliya ayaa xusay in dhankooda ay diyaar u yihiin sidii ay bulshada uga wacyi gelin lahaayeen fikirka qaldan ee ay Shabaabku shacabka ku marin habaabinayaan in uusan Diinta Islaamka raad ku lahayn.

“Waxaan xafiiskiisa ugu nimid Ra’iisul Wasaaraha, Anagoo ah Guddiga sare ee culimada Soomaaliyeed, Sheekh Bashiir,  Sheekh Nuur Baaruud, anigoo Sheekh Cali-Wajiis ah, Sheekh Cabdiqaadir Soomow iyo Dr Maxamed Xaaji, waxaan halkan ugu nimid inaan arrimaha Qaranka is dhaafsano, Ra’iisul Wasaaraha Soomaaliya  waxa uu culimada Soomaaliyeed siiyaa arrimo aad u muhiim ah, xogta dowladda iyo hadba waxyaabaha u qabsoomay, iyo   guulaha  badan ee  wax ku oolka ah, culimaduna runtii ay aad u taageersantahay , iskaashi badana ay la leedahay dowladda” ayuu yiri Sheekh Cali Wajiis oo intaa ku daray .

“Waxaan tallooyin ka siinay arrimaha Xajka iyo sida ugu fiican ee lagu xajin karo, sidoo kale amniga talooyin ku saabsan iyo cabashooyin nagu soo dhac dhacay oo bulshada xageeda nooga yimid oo uu aad nooga qanciyay, noona sheegay in waxyaabo badan oo dadku ka cabteen in wax ka qabanayo, waxaan kaloo kala hadalnay araah ku aadan arrimaha garsoorka, sidoo kale in la joogteeyo wadatashiga culimada iyo madaxda dowladda, shirka guul ayuu ku soo dhamaaday, Soomaalida waxaan ugu bishaareynayaa Insha Allah in Xukuumadda ay gacanta ku heyso arimo badan oo muhiim ah oo dalkan wax badan ka badali doonto”.

Dawlada Federaalka ee Somalia ayaa  dagaal adag kula jirta kooxaha argagaxisada ah ee falalka guracan kawada dalka, waxaana mudooyinkan ay waday wadatashiyo kusaabsan sidii looga hortaggi karo  fikradaha xagjirka ah ee ay maleeshiyaadka Al-Shabaab dadku ku marin habaabinayaan.

Eritrea oo dib u furatay Safaaraddeedii ay ku lahayd Addis ababa

Yoonis Duraan
-
0
Eritrea oo dib u furatay Safaaraddeedii ay ku lahayd Addis ababa

Madaxweynaha Dalka Eritrea Isaias Afeworki ayaa shalay  xarigga ka jaray Safaaraddii uu Dalkiisu ku lahaa Addis Ababa ka dib booqasho Saddex Cisho ah oo uu halkaasi ku tagey Ethiopia.

Tallaabadan ayaa ka dambeysay heshiis Taariikhi ah oo ay dhowaan Asmara ku kala saxiixdeen Labada hoggaamiye, iyagoo halkaasi kusoo afjaray colaaddii Labaatankii Sano ee ugu dambeeyay dhex tiillay Eritrea iyo Ethiopia.

Eritrea ayaa ka go’day Ethiopia 1993, wuxuuna Labada Dowladood Dagaallo lagu riiqmay ku dhexmaray xadka 1998 – 2000 , kaasoo galaaftay nolosha in ka badan 70,000, waxana soo gabagabeeyay colaaddii Labada dhinac booqashadii uu 9-kii Bishan Asmara ku tagey Ra’iisul wasaaraha Itoobiya Abiy Axmed Cali.

Madaxweynaha Jamhuuriyada Somalia oo Maanta gudoominaya shirka Brussles

SNTV
-
0
Madaxweynaha Jamhuuriyada Somalia oo Maanta gudoominaya shirka Brussles

Waxaa Maalintii labaad  galay shirka iskaashiga Somalia iyo beesha caalamka kaasoo ay ka qeybgalayaan madaxda dowlda federaalka Somalia  xubno ka socda Maamul goboleedyada, masuuliyiinta  Bulshada rayidka  iyo wakiilo ka socda   beesha.Caalamka.

Shirka oo shalay furmay ayaa waxaa looga hadlayaa Arimaha siyaasada,Amniga, Horumarinta dhaqaalaha,iyo dib mideynta Canshuuraha dalka.

Madaxweynaha Jamhuuriyada Somalia Mudane Maxamed Cabdullaahi farmaajo ayaa maanta shirka gudoominaya, iyadoo lagoo hadli doonno qodobo ay kamidyihiin dib u-habeynta ciidamada, la daagalanka kooxaha argagaxisada, Doorashooyinka, Hannaanka mideynta Canshuuraha  dalka iyo qodobo kale.

Masuuliyiinta Dawlada Federaalka ee Somalia ayaa shirka geeyey document ku saabsan waxyaabihi u qabsoomay intii ay dowlada jirtay iyo caqabadaha ka heysta waxyaabaha u dhimman.

Shirkan waxaa barbar socda shirar iyo kulamo gaar gaar ah kuwaasoo ay shalay  yeesheen masuuliyiinta Somalia iyo wakiilada beesha caalamka.

Masuuliyiinta Dawlada ayaa doonaysa in si toos ah loogusoo wareejiyo dhaqaalaha beesha caalamka ay ugu deeqdo Somalia, si loogu maareeyo waxyaabihi loogu dhaqaalahaas in lagu qabto.

Tan iyo intii la doortay dawlada federaalka ee hadda jirta waxay horumar fiican ka gaartay arimaha Amniga, Habeynta dhaqaalaha, la dagaalanka musuqmaasuqa, iyo qodobo kale kuwaasoo beesha caalamka ay ku ammaantay.

 

 

Shirkada Apple Stories oo laga hirgaliyay Muqdisho

Yoonis Duraan
-
0
Shirkada Apple Stories oo laga hirgaliyay Muqdisho

Munaasabdan lagu daahfurayay xarunta cusub ee baxin doonta adeegyada kala duwan ee shirkadda apple stories ee laga hergaliayay Magaalada Muqdisho,Waxaana ka qeybgalay Wasiir ku_xigeenka Wasaarada Boostada isgaarsiinta iyo Tiknoolijiyada.Xildhibaano,Diplomcyiin,iyo ganacsato.

Xasan Cusmaan oo ah Maamulaha xarunta cusub ee iibin doonta wax soo saarka kala duwan ee shirka apple ayaa sheegay in furitaanka xarunta ay ku imaaday qiimeyn dheer iyo sidii ay u dabooli lahaayn adeegyada shacabka soomaaliyeed ee shirkadan apple ay kaga soo iibsan jireen wadamada dariska iyo kuwa fog.

Guddoomiye ku xigeenka Howlaha Guud ee Maamulka Gobalka Benaadir  ayaa sheegay in maamul ahaan ay soo dhaweenayaa ganacsatada noocan oo kale ee dalka maalgashanayo.

Wasiir Cabdiraxmaan Iiidan Yoonis Wasiir ku xigeenka Wasaarada Boostada Isgaarsiinta iyo Tiknoolijiyada Soomaaliya ayaa sheegay in ka wadaaradan ahaan  ay bogaadiyeen talaabadan wayn.

Talaabadan ayaa waxaa ay ka dhigan tahay in Soomaaliya ay xaga tiknoolijiyada ay ka horeyso qaar ka  mid ah dalalka geeska Africa waxaana shirkadan apple oo ka mid ah Shirkadan ugu waa wayn caalamka ayaa la furay   1 April 1976 Apple waxaa ay ka howlshaa dalalka South Africa,UE. Shiinaha iyo Marareykan oo xarunteeda ugu wayn ku taalo shirkada apple.

Guddoomiyaha Golaha Shacabka oo qaar kamid ah guddiyada Golaha Shacabka ku wareejiyay Xafiisyadii ay ku shaqeyn lahaayeen

SNTV
-
0
Guddoomiyaha Golaha Shacabka oo qaar kamid ah guddiyada Golaha Shacabka ku wareejiyay Xafiisyadii ay ku shaqeyn lahaayeen

Muqdisho (SNTV) Kusimaha Madaxweynaha Dalka ahna Guddoonka Golaha Shacabka Jamhuuriyadda Federaalka Soomaaliya Mudane Maxamed Mursal Sheekh Cabdiraxmaan ayaa mudooyinkii dambe waxa uu xarunta guddoonka iyo gudiyada ee Villa Hargeysa ka waday dhismaha xafiisyo ay ku shaqeeyaan gudiyada golaha shacabka ,waxaana dhawaan lasoo gaba gabeeyay dhismaha xafiisyada ay ku shaqeyn donaan 15-ka gudi ee golaha shacabka.

Guddoomiyaha golaha shacabka ayaa maanta xafiisyadooda ku wareejiyay ilaa sedax gudi oo ka tirsan golaha shacabka oo kala ah gudiga xuquuqul insaanka ,Guddiga arrimaha dibada iyo Iskaashiga Caalamiga ah iyo sidoo kale gudiga Howlaha guud,waxaana Xildhibaan Maxamed Cumar Dalxa oo ka mid ah gudiga howlaha guud ee golaha shacabka uu u mahad celiyay guddoonka golaha shacabka.

Xildhibaan Maxamed Cabdullaahi Xasan Nuux oo ah Habdhowraha Golaha Shacabka ayaa Gudoonka ku bogaadiyay howsha wanaagsan ee ay qabteen.

In gudiyada golaha shacabka ay helaan xafiisyo ay ku shaqeeyaan waxa ay gudiyada u sahleysaa in ay helaan meel loogu soo hagaago oo ay ku qaban karaan howlaha loo igmaday oo ay ka mid yihiin la xisaabtanka iyo kor joogteynta Hay’adaha Dowladda.

Ilaa laba iyo Toban xafiis oo ay ku shaqeyn doonaan 13-gudi ayaa weli harsan kuwaasoo dhawaan lagu wareejin doono gudiyadii loogu tala galay in ay ku shaqeeyaan sida guddoonka golaha shacabka uu sheegay.

Ra’iisul Wasaare Kuxigeenka Soomaaliya oo furay fadhigga 1-aad ee shirka Madasha Iskaashiga Soomaaliya ee Brussels

SNTV
-
0
Ra’iisul Wasaare Kuxigeenka Soomaaliya oo furay fadhigga 1-aad ee shirka Madasha Iskaashiga Soomaaliya ee Brussels

Brussels(SNTV) :–Ra’iisul Wasaare Kuxigeenka Xukuumadda Federaalka Soomaaliya Mudane Mahad Maxamed Guuleed ayaa guddoomiyey fadhiga 1aad ee furitaanka Madasha Iskaashiga Soomaaliya oo maanta ka furmay magaalada Brussels.

Qeybta 1aad ee fadhigan ayaa lagaga hadlay “Siyaasadda loo dhan yahay ee dalka” oo ku saabsan doorashooyinka dalka, dib-u-habeynta ciidanka, la dagaallanka argagixisada, qeybsashada kheyraadka dabiiciga ah iyo hannaanka mideynta cashuuraha waddanka.

Madaxweynayaasha Dowlad Goboleedyada, Guddoomiyaha Gobolka Banaadir iyo masuuliyiinta heer Federaal ayaa ka dooday muhiimadda ay leedahay in la sii ambaqaado qorsheyaasha lagu xaqiijinayo hiigsiga Soomaaliya ee sanadka 2020-ka, gaar ahaan qabyo-tirka dastuurka, dhammeystirka hannaanka Fadaraaleynta iyo qiimeynta qorshe-hawleedka doorashooyinka sanadka 2020-ka.

Qeybaha kale ee fadhiyada kale ayaa lagaga hadli doonaa amniga guud ee Soomaaliya, bixitaanka AMISOM iyo sidii ciidamada Soomaaliyeed ay ugala wareegi lahaayeen ammaanka dalka, arrimaha bini’aadantinnimada iyo gargaarka, dib-u-dhiska kaabayaasha dhaqaalaha iyo soo kabashada ilaa haatan Dowladda Soomaaliya ay ka gaartay dhanka dhaqaalaha iyo sidii loo sii joogtayn lahaa.

Munaasabadda furitaanka ayaa waxaa ka qeyb-galay Madaxweynayaasha Maamul Goboleedyada Puntland; Mudane Cabdiweli Maxamed Cali Gaas, Jubbaland; Mudane Axmed Maxamed Islaan, Koonfur Galbeed; Mudane Shariif Xasan Sheekh Axmed, Galmudug; Mudane Axmed Ducaale Geelle, Hirshabeelle; Mudane Maxamed Cabdi Waare, Guddoomiyaha Gobolka Banaadir Cabdirixmaan Cumar Cusmaan (Eng.Yarisow) qaar ka mid ah Golaha Wasiirrada Dowladda Federaalka Soomaaliya, Guddoomiyaha Guddiga Doorashooyinka, Lataliyaha Madaxweynaha ee dhanka Amniga, khubaro iyo ganacsto Soomaaliyeed.

Sidoo kale, waxaa shirka qeyb ka ahaa madax ka tirsan Midowga Yurub, Midowga Afrika, Beesha Caalamka iyo Wasiirka Arrimaha Dibadda ee dalka Sweden.

Gobolka Banaadir oo laga hirgeliyey Xafiiska Amniga heer Gobol

SNTV
-
0
Gobolka Banaadir oo laga hirgeliyey Xafiiska Amniga heer Gobol

Muqdisho (SNTV) Kusimaha Guddoomiyaha Gobolka Banaadir ahna Kuxigeenkiisa ee Arrimaha Maamulka iyo Maaliyadda Mudane Xuseen Maxamed Nuur ayaa xarigga ka jaray xafiiska Amniga Gobolka Banaadir oo qeyb ka ah qorsheyaasha ku qotoma dhammeystirka qaab-dhismeedka Amniga Qaranka.

Guddoomiye Xuseen ayaa sheegay in maamulka Gobolka Banaadir oo fulinaya qodobbadii ka soo baxay Shirkii Amniga Qaranka Baydhabo ee 3-ilaa 5ta bisha Juun ay dhankooda hirgeliyeen xafiiskan oo kaalin mugleh ka qaadan doona is-dhex galka siyaasadaha la xiriira arrimaha amniga qaran ee heer gobol iyo heer Federaal.

“Xafiiskan waxa uu masuul ka yahay isku xirka iyo isku duwidda howlaha ciidamada iyo guud ahaan shaqooyinka lagu xaqiijinayo amniga Qaran oo qorshuhu yahay in istaraatiijiyadda mideysan ee Dawladda Federaalka Soomaaliya, Dawladda Goboleedyada dalka iyo Maamulka Gobolka Banaadir ay si joogta ah isu dhaafsadaan, ugana wada shaqeeyaan.”Ayuu yiri Guddoomiye Xuseen.

Sidoo kale, Kusimaha Guddoomiyaha ayaa kula dardaarmay Xubnaha Amniga Gobolka Banaadir in ay ka miro-dhaliyaan hiigsiyada ku aaddan xasilinta amniga gobolka iyo sidii kor loogu qaadi lahaa wada shaqeynta kala dhaxeysa bulshada.

“Shacabka Muqdisho iyo guud ahaan Gobolka Banaadir waxa ay laf-dhabar u yihiin qorshayaasha lagu sugayo amniga, sidaas darteed waxaan rajeynaynaa in xafiiskan uu kor u qaado wada shaqeynta ka dhaxaysa bulshada iyo laamaha ammaanka si looga hor tago dhagarta argagixisadu ay u maleegayaan dadka Soomaaliyeed.”

Furitaanka Xafiiska Amniga Gobolka Banaadir waxaa ka qeyb galay Agaasimaha Guud ee Wasaaradda Arrimaha Gudaha, Federaalka iyo dib-u-heshiisiita Xukuumadda Federaalka Soomaaliya, Taliyaha Ciidanka Booliska Gobolka Banaadir, Taliye Kuxigeenka Ciidanka Xasilinta Gobolka Banaadir (SAMA) iyo Taliyaha Ciidanka Ilaalada Deegaanka Xamar.

1...1,1001,1011,102...1,569Page 1,101 of 1,569

© 2023 Telefishinka Qaranka Soomaaliyeed