Hay’adda Aqoonsiga iyo Diiwaangelinta Qaranka (NIRA) ayaa magaalada Muqdisho ku qabatay kulan dadweyne oo looga hadlay dhisidda kalsoonida iyo xoojinta wacyigelinta adeegyada Aqoonsiga Qaranka.
Kulanka waxaa si rasmi ah u furay Maareeye Ku-xigeenka NIRA Mudane Cabdiraxmaan Siciid Axmed.
Ka-qaybgalayaasha ayaa falanqeeyay caqabadaha la xiriira wacyigelinta iyo helitaanka adeegyada NIRA, iyagoo soo jeediyay talooyin lagu horumarinayo gaarsiinta adeegyada iyo xogta Aqoonsiga Qaranka.
NIRA ayaa kulanka ku soo bandhigtay horumarka laga sameeyay adeegyada Aqoonsiga Qaranka, iyadoo in ka badan 1.5 milyan oo Soomaali ah lagu diiwaangeliyay gudaha iyo dibadda dalka.
