Wasiirka Gaashaandhigga Xukuumadda Federaalka Soomaaliya, Mudane Axmed Macallin Fiqi, ayaa maanta ka qeyb galay munaasabad uu xilka kula wareegayay Taliyaha cusub ee Hawlgalka Tababarka Midowga Yurub (EUTM – Somalia), General Marco Manzone.
Wasiirka ayaa taliyaha cusub ugu hambalyeeyay xilka loo igmaday, isagoo u rajeeyay guul iyo inuu sii xoojiyo iskaashiga dhanka tababarka iyo tayeynta Ciidanka Xoogga Dalka Soomaaliyeed.
Sidoo kale, Wasiir Fiqi ayaa uga mahadceliyay Taliyaha xilka wareejiyay, General Giusseppe Zizzari, dadaalkii iyo hoggaamintii wanaagsanayd ee uu muujiyay intii uu xilka hayay, gaar ahaan doorkiisii muuqday ee horumarinta iskaashiga milatari ee u dhexeeya Soomaaliya iyo Midowga Yurub.
