Guddoomiye Ku-xigeenka Amniga iyo Siyaasadda Maamulka Gobolka Banaadir Mudane Maxamed Axme Diiriye (Yabooh), ayaa dhagax dhigay waddo interlock ah oo laga hirgelinaayo Waaxda Faanoole ee degmada Kaaraan.
Guddoomiye Yabooh ayaa ku bogaadiyay Maamulka iyo shacabka degmada Kaaraan isku tashiga ay ku dhisanayaan waddooyinka xaafadaha, taasi oo qeyb ka qaadaneysa bilicda iyo horumarka degmada.
Munaasabadda dhagax dhigga waxaa goobjoog ka ahaa Guddoomiyaha degmada Kaaraan Mudane Faarax Cadaani, Odayaasha dhaqanka, Agaasimeyaal iyo qeybaha kala duwan ee bulshada.
