Hay’adda qaxootiga iyo Barakacyaasha qaranka oo kaashanaysa Wasaaradda Kaluumaysiga iyo Dhaqaalaha Buluuga ah XFS ayaa daahfurtay Barnaamij lagu Xoojinaayo xirfadda Bulshooyinka Barakacay gaar ahaan Kaluumaysatada.
Daahfurka Barnaamijkaan waxaa Goobjoog ka ahaa Gudoomiyaha Hayโadda Qaxootiga iyo Barakacyaasha qaranka, agaasimaha guud ee Wasaaradda Kuluumaysiga iyo dhaqaalaha Buluuga ah iyo Masuuliyiin kale.
Gudoomiyaha Hay’adda qaxootiga iyo Barakacyaasha Qaranka Marwo Safiyo Xasan Maxamed oo daahfurtay Kulanka ayaa sharaxday qorshaha lagu hormarinaayo xirfadaha Bulshooyinka Barakacay gaar ahaan Kaluumaysatada, si qor loogu qaado Shaqo abuurka Dadka gudaha dalka ku barakacay iyo kuwa dalka dib ugu soo laabtay.
Agaasimaha guud ee wasaaradda kaluumaysiga iyo dhaqaalaha Buluuga ah XFS oo sharaxay qorshaha lagu hormarinaayo Kaluumaysata Soomaaliyeed gaar ahaan Bulshooyinka Barakacay ee Kaluumaysatada ah. si loo helo wax soo saar tayaysan oo Dunida loo iib geeyo ayaa sheegay in Wasaaradda Kaluumaysiga ay ka goโan tahay horumarinta Xirfadlayda Soomaaliyeed si loo yareero shaqo yarida dalka ka jirta.
Dadkaan oo isugu jiray Shacabka gudaha dalka ku barakacay, Qaxooti ajaaniib ah iyo kuwo dalka dib ugu soo laabtay ayaa ka kooban kaluumaysato aan lahayn agab dhamays tiran oo ay ku kuluumaystaan iyo kuwa u baahan in laga caawiyo Barashada Xirfadda Kaluumaysiga ayaa Soo dhaweeyay qorshahaan looga lagu hormarinaayo inay Muruqooda Maalaan.
