Shiinaha ayaa Taiwan u diray 103 ka mida diyaaradohooda dagaalka, labadii maalin ee la soo dhaafay, sida ay sheegtay wasaaradda difaaca ee Taiwan.
Taiwan ayaa Bayaan ay soo saaratay shalay ugu baaqday Shiinaha inuu joojiyo tallaabooyinka keeni karo xasillooni darro iyo xaalad dagaal, iyagoo intaas ku dartay in ugu yaraan 40 ka mida diyaaradaha dagaalka ee Shiinuhu ay ka gudbeen khadka dhexe ee marin-biyoodka Taiwan, kaasoo ay sheegeen inay daliil u tahay daandaansiga Shiinaha.
Dowladda Shiinaha ayaa aaminsan in Taiwan ay qayb ka tahay dhulweynaha Shiinaha, hase ahaatee arrintaas waxaa in muddo ah ka biyo diidsan Taiwan, oo isku tilmaantay Dowlad Madax banaan.
