Dhuusamareeb-(SNT)-Kumaandooska xoogga dalka ee Danab ayaa Shacabka ku nool Magaalada Galcad iyo degaannada u dhow gaarsiiyay deeq raashiin ah.
Degaannada deeqdaan ay gaarsiiyeen ciidanka XDS ayaa waxaa kamid ah Ceel-Xaaji iyo deegaannada ku dhow, iyaddoo ay goob joog ka ahaayeen xildhibaanno ka tirsan Baarlamaanka Federaalka Soomaaliya.
Xoogga Dalka Soomaaliyeed ayaa gacan kula dagaalamaya Khawaarijta Al-shabaab ee naflacaariga ah, gacanna ku garab taagan dadka tabarta daran ee ay nolosha u diideen Khawaarijtu.
