Kuuriyada Waqooyi waxaa ka jirta cunto yari halis ah, sida ay khubaradu sheegeen. Dalku kuma cusba cunto yari dabadheeraad ah, laakiin xakamaynta xuduudaha, cimilo xumada iyo cunaqabataynta ayaa xaaladda uga sii daray sannadihii u dambeeyay. Mas’uuliyiinta ugu sareysa ayaa la filayaa inay kulmaan dhamaadka bisha Febraayo si ay uga wada hadlaan “isbeddel aasaasi ah” oo lagu sameeyo siyaasadda beeraha, sida ay sheegtay warbaahinta dowladda.
Tani waa “hawl aad u muhiim ah oo degdeg ah” iyada oo ay jirto “cadaadis” arrimaha beeraha, isku dhafka wararka ee KCNA Watch ayaa sheegay.
Warkan ayaa imaanaya xilli iyadoo Pyongyang ay sii wadato muujinta awoodeeda ciidan. Wasaaradda mideynta Kuuriyada Koonfureed ayaa lagu soo waramayaa in ay sidoo kale ka dhawaajisay cunno yarida jirta, waxayna hay’adda cunnada adduunka ee WFP ka codsatay gargaar. Sawirka dayax gacmeedka ee maamulka Kuuriyada Koonfureed ayaa muujinaya in Waqooyiga ay soo saartay 180,000 oo tan cunto ka yar 2022 marka loo eego 2021. Bishii Juun, WFP waxay soo saartay walaac ah in xaaladaha cimilada aadka u daran sida abaarta iyo daadadka ay hoos u dhigi karaan wax soo saarka dalagyada jiilaalka iyo guga labadaba. Warbaahinta dowladda ayaa sidoo kale sheegtay dabayaaqadii sanadkii hore in dalka ay ka jirto abaartii labaad ee ugu darneyd ee la diiwaan geliyo.
