Wasiirka Wasaaradda Kalluumeysiga iyo Dhaqaalaha Buluugga ah ee Xukuumadda Federaalka Soomaaliya Mudane Ahmed Hassan Aaden ayaa magaalada Roma ee dalka Talyaaniga kula kulmay madaxda Iskaashatada Kaluumeysatada ee Federpesca, ganacsatada hoggaamisa shirkadaha ugu waaweyn dalka Talyaaniga iyo hay’adaha daneeya arrimaha kalluumeysiga.
Wasiirka ayaa uga sheegay sida uu tariikh fog u leeyahay xiriirka ka dhexeeya Soomaaliya iyo Talyaaniga waxaana uu u sheegay in ay u furan yihiin in ay fursado maalgashi ku sameeystaan dalka taas oo fursad dhaqaale u noqon karta bulshada Soomaaliyeed iyo shirkadaha maalgashiga ku sameeya.
Ugu dambeyn wasiirka ayaa madaxda Iskaashatada Kaluumeysatada ee Federpesca uga mahadceliyey dedaalka sida ay u daneynayaan in ay maalgashi ku sameystaan Soomaaliya.
