Ciidammada dowaladda oo kaa shanaya kuwa Mareykanka ee Africom ayaa 15 ka tirsan khawaarijta Al-Shabaab ku dilay 14-kii iyo 17-kii December, 2022 howlgal ka dhacay meel u dhow degmada Cadale ee gobolka Shabeellaha Dhexe .
Taliska Mareykanka ee Africom ayaa sheegay in howlgalka 14-kii December ee bishan ka dhacay meel 176 KM waqooyi bari ka xigta magaalada Muqdisho, gaar ahaan agagaarka Cadale lagu dilay 7 ka mid ah khawaarijta Al-Shabaab.
Sidoo kale taliska ayaa sheegay in 17-kii December ee bishan howlgal kale oo ka dhacday meel qiyaastii 220 KM waqooyi bari ka xigta magaalada Muqdisho una dhow Cadale lagu dilay 8- ka tirsan Khawaarijta Al-Shabaab.
Ciidanka dowladda Federaalka iyo Taliska Mareykanka ee Qaaradda Afrika ee AFRICOM ayaa howlgallo dhowr ah ka fuliyay deegaanno ka tirsan dalka, iyadoona lagu dilay xubno muhiim ah kana tirsan khawaarijta Al-shabaab.
