Ciidanka Xoogga dalka, gaar ahaan ururka 5-aad, guutada 16-aad ee Kumaandooska Danab qeybtooda Jubaland ayaa howlgal qorsheysan ka fuliyay deegaanada Dhay-cabdi, Mayoonde, Qudhac-madoobe, Koban, Araare iyo Bandar-jadiid oo dhamaantood ku yaalla waqooyiga magaalada Kismaayo.
Inta uu howlgalka socday Ciidanka ayaa ku guuleystey inay soo saaraan Miinooyin ay Khawaarijta Shabaab doonayeen inay ku gumaadaan shacabka isaga kala gudba deegaanada ay gaareen, waxay sidoo kale burburiyeen goobo ay Naflacaariga gabaadsanayeen.
