Saraakiil ka socatay hay’addaha QM oo maanta Gaaray magaalada Galkacyo ayaa kulan xog wareysi ah kula qaatay xarunta maamulka dowlada hoose ee dagmada Galkacyo Masuuliyiin ka tirsan Galmudug isla markaana ay ka mid ahaayeen Gudoomiyaha Gobalka Mudug Axmed Xuseen Shire Bukhaari Duqa Dagmada Galkacyo Cabdiraxmaan sheekh xasan jimcaale iyo Agaasimaha Guud ee wasaarada gargaarka DG Galmudug Cumar Xasan
Kulanka oo uu shir gudoominayay Gudoomiyaha Gobalka mudug Axmed Bukhaari ayaa masuuliyiinta Galmudug uga warbixiyeen xaalada Qoysaska danyartaa ee ku sugan guud ahaan Gobalka mudug gaar ahaana kuwa ku jira xeryaha barakacaayaasha ee ku yaala Galkacyo waxaana ay sheegeen in Sida ugu haboon loo gaarsiiyo deeqaha uga yimaada Hay’adda WFP sidoo kalana NGO_ga uga masuulka ah hay’addaasi gaarsiinta deeqda ay ku amaanayaan gudashada waajibaadka ka saaran in ay gaarsiiyaan deeqaha loogu soo dhiibo dadka xiligaan ku tabaaleysan guud ahaan deegaanada Gobalka mudug
Kulanka ka dib ayaa waxaa saraakiishii ka socatay QM gaar ahaan Hay’adda WFP oo ay wehliyeen duqa dagmada iyo agaasimaha guud ee wasaarada gar gaarka DG Galmudug waxa ay si wadajir ah u kormeereen Qaar ka mida xarumaha caafimaadka ee loogu talagalay daaweynta hooyada iyo dhalaanka Dugsiga hoose dhaxe iyo sare ee Mustaqbal ee ku yaala deegaanka Xaar xaar halkaasi oo ay wax ka bartaan caruur agoon ah isla markaana ay quudinta ka saacido Hay’adda WFP iyo qaar ka mid ah xeryaha barakacayaasha gaar ahaan kuwa ay ku sugan yihiin qoysaska kusoo xoola beelay abaaraha ee naftooda lasoo magansaday xeryahaasi
Kormeerka ayaa intii socday qaatay muddo 6 saacadood ka badan waxaana intii ay ku guda jireen saraakiisha QM ay xog wareysi la yeesheen xubnihii ay kula kulmeen Xarumaha caafimaadka xeryaha barakacayaasha iyo ardayda iyo maamulka iskuulka mustaqbal iyagoona ka warsaday in ay si wanaagsan u helaan gar gaarka daawada iyo quudinta loogu tala galay waxaana ay usheegeen xubnihii ay warsadeen in ay helaan balse aysan aheyn mid ku filan nolashooda ayna codsanayaan in loo kordhiyo ayna uga mahad celinayaan Hay’adda WFP Maamulka Heer Gobal iyo Heer dagmo iyo NGO_yada la shaqeeya Hay’addaasi
Agaasimaha wasaarada Gargaarka Galmudug Cumar Xasan iyo Gudoomiyaha Dagmada Galkacyo Cabdiraxmaan sheekh xasan jimcaale ayaa warbaahinta Qaranka uga warbixiyay ujeedka kulanka iyo kormeerkii ka danbeeyay waxayna si isku mid ah u sheegeen in ujeedkoodu ahaa la socadka hab maamulka iyo gaarsiinta deeqaha ka yimaada WFP in ay yihiin sidii loogu tala galay isla markaana NGO_yada u qaabilsan hay’adda la hubinayay in ay shaqada u qabteen sidii loogu tala galay iyagoona xusay in xog aruurin kadib la isla qaatay markii qiimeeyn lagu sameeyay in sidii loogu talagalay ay u guteen shaqadii loo wakiishay ayna uga mahad celinayaan…
