Wasiirka Wasaaradda Xanaanada Xoolaha, Dhirta & Daaqa DFS Xildh. Maxamed Aadan Macalin (Somali) iyo Wafdi uu hogaaminayo oo ay ka mid yihiin Agaasimaha Guud & Agaasimaha Caafimaadka Xoolaha ee Wasaaradda ayaa safar shaqo ugu ambabaxay Boqortooyada Sucuudi Carabiya halkaas oo ay ku martiqaaday Wasaaradda Bey’adda ee dalkaas.
Si loo dardar galiyo dhoofka xoolaha ee Soomaaliya oo dhowaan Wasaaradda Xanaanada Xoolaha, Dhirta & Daaqa DFS ku guulaysatay in xayiraadii dhoofka laga qaado iyo dhoofinta hilibka ceerin oo iyadana la doonayo in loo dhoofiyo dalkaas.
Wafdiga Wasiirka Wasaaradda Xanaanada Xoolaha, Dhirta & Daaqa DFS ayaa kulamo kala duwan la qaadan doona dhigiisa Boqortooyada Sucuudiga iyo Madaxda Haayadda Cuntada & Daawooyinka ee Sucuudiga waxaana la filayaa in sanadkan ay gaarto tirada xoolaha loo dhoofinayo sucuudiga ku dhowaad 1 Million oo neef.
