Waxaa Maanta Xaflad kooban ay ka dhacday Xarunta Ciidanka Ilaalada Wadooyinka taas oo lagu soo kordhiyay Dhisme cusub oo maanta la daah furay.
Munaasabadaan oo aheyd mid xariga looga jarayay Dhismaha xarunta ciidanka ilaalada wadooyinka oo dib u dhis iyo qalabeyn lagu sameeyay ayaa waxaa ka qeybgalay wasiirka amniga gudaha XFS,Taliyaha Ciidanka Booliska Soomaaliya, Taliyaha Ciidanka ilaalada wadooyinka gobolka Banaadir iyo masuuliyiin ka socotay wasaaradda gaadiidka .
Masuuliyiintii ka qaybgalay Munaasabada ayaa ku amaanay Taliska Ilaalada Wadooyinka shaqada ay shacabka Soomaaliyeed u hayaan, waxaana ay sheegeen in furista Xaruntaan ay wax badan ka badali doonto habkii ay u socon jirtay shaqooyinka Bulshada loo hayo.
Wasiirka Amniga XFS Abdulaahi Mohamed Nuur ayaa sheegay “ in Caqabadaha jira ay kamid tahay in Masuuliyiinta Dowlada aysan aad u Ixtiramin Shuruucda Wada marista waxaana ugu baaqay in ay ilaaliyaan Nidaamka Wadooyinka”
