Wafdi ka socda Hay’adda Wadaniga ah ee Tadamun oo ka shaqaysa arrimaha bulshada sida Waxbarashada, Caafimaadka, Biyaha, Howlaha Gargaarka iyo Horumarinta ayaa xalayย kulan la qaatay madaxweynaha Dowlad goboleed Koonfur Galbeed Mudane Cabdicasiis Xasan Maxamed Laftagareen.
Wafdiga ayaa Madaxweynaha uga warbixiyay deeq raashin ah oo hay’addu u qaybisay 3000 oo qoys oo ka mid ah dadka danyarta ah ee ay abaartu saamaysay ee ku dhaqan Magaalada Baydhabo.
Deeqdan ayaa qayb ka ah Mashruuca Taageerada Sugnaanta Cunnada Dalka oo ay taageerayso Xarunta Boqor Salmaan ee Gargaarka iyo Howlaha Bani’aadantinimada ee Boqortooyada Sucuudiga, waxaana looga jawaabayay baahiyaha ka dhashay abaaraha baaxadda leh ee jira dalka.
Hay’adda Tadamun ayaa qayb weyn ka qaadatay dadaalada socda ee loogu gurmanayo dadka abaartu saamaysay, iyadoo mashruucan ka fulisay dhammaan dowlad goboleedyada DFS.
Ustaad Cismaan Abshir oo wafdiga hoggaaminayay ayaa sheegay in Deeqdan Raashinka ah ay isugu jirto Bur, Bariis, Sonkor, Saliid, iyo Baasto, qoys kastana la siiyay 67Kilogram.
Sidoo kale waxa uu ka mahadceliyay soo dhaweynta iyo wadashaqaynta dowladda qaybeheeda kala.
Ugu dambayn Madaxweynaha ayaa uga mahadceliyay Wasaaradda Gargargaarka iyo Maaraynta musiibooyinka DFS, Xarunta Boqor Salmaan iyo Hay’adda Tadamun dadaalka iyo taageerada ay la garabtaagan yihiin dadka Soomaaliyeed xilligan adag.
