Wararka ka imaanaya dalka Koonfur Afrika ayaa sheegaya in xalay muwaadiniin Soomaali ah dil & dhaawac loogu gaystay dalkaasi.
Kooxo hubeysan oo burcad ah ayaa lagu soo warramayaa inay weerar ku qaadeen goobo ganacsi oo ay leeyihiin Muwaadiniin Soomaali ah oo ku yaalo deegaanka Cosmos oo ka tirsan Johannesburg.
Labada Marxuum ayaa waxaa magacyadooda lagu soo koobay Cabdisalaan Axmed iyo Qeys, iyada oo ka wada shaqeynayey dukaanka uu falka weerarka ah ka dhacay.
Kooxaha weerarka geeysatay ayaa falka kadib goobta isga baxsaday.
Sidoo kale burcadda ayaa isla deegaankan dhaawac halis ah ugu gaystay ganacsade kale oo Soomaaliyeed, kaas oo loo cararay isbitaalka.
