Guddoomiyaha gobolka Banaadir ahna duqa Muqdisho Cumar Maxamuud Maxamed {Filish} oo sheegay in roobabkii ka dagay caasimadda ay biyo fariisteen wadooyinka qaar isla markaa waxaa uu balan qaaday in maamulkiisa ay ka go’antahay inuu wax ka qabto arintaas.
Guddoomiyaha gobolka oo ka hadlay xafladda furitaanka kalfadhiga 6aad ee baarlamaanka labada gole ayaa sheegay in roobabkii labada maalin ka da’ayay caasimadda ay wax badan ka badaleen nadaafadda magaalada isla markaana sida ugu dhaqsiyaha badan wax looga qaban doono.
Guddoomiye Cumar Filish ayaa codsaday in lagu gacansiiyo gudashada waajibaadka shaqo ee loo idmaday si wax wanaagsan uu uqabto.
waxaan ka codsanayaa cid kasta oo halkaan fadhisa ama bulshada guud ahaan in la igu gacansiiyo sidii aan caasimadda dalka uga dhigi lahaa mid tiigsata caasimadaha caalamka ee hormaray” ayuu yiri Mr Flish.
