Baydhabo (SNTV) Kadib racfaan ee ka qaateen Maxkamadda Ciidamada qeybteyda 60-aad, D/le NISA C/raxmaan Cali Xasan Sugoow oo 40-jir ah ayaa ka soo hormuuqday goobta uu fadhiga maxkamadda sarre ciidamada ee ku qaadeysay dacwadaha, waxaana goob joog ka ahaa qareeno difaacayay eedeeysanayaasha.
Maxkamadda Darajada 1-aad ee Ciidamada Qalabka sida Q-60 ayaa horey ugu riday xukun dil ah Racfaanle D/le NISA C/raxmaan Cali Xasan Sugoow oo loo heystay dilka marxuum Maxโed Xasan Maxโed Weeydhaan.
Xeer ilaalinta maxkamadda ciidamada qalabka sida Q-60aad ayaa horkeenay maxkamadda cadeeymo dheeri ah, qiraal muujinaayo inuu galay danbiilaha eedii lagu soo oogay iyo sidoo kale maarkhaatiyaashii ku marag furay eedeysanaha dhammaan waxay kahor cadeeyeen in racfaanle C/raxmaan Cali Xasan Sugoow uu galay danbigaas.
Doodii dhinacyada xeer ilaalinta iyo qareenadii difaacayey eedeysanaha kadib waxaa fursad loo siiyey racfaanlaha inuu ka jawaabo suโaalo garsoorka uu weydiiyey kuwaasooย dhammaan kusaabsanaa eeda loo heystay.
Intaas kadib Maxkamadda Sarre ciidamada qalabka sida Soomaaliya ayaa ku raacday xukunkii Maxkamadda Darajada 1-aad Ciidamada Qalabka sida Q-60-aad horay ugu xukuntay D/le NISA C/raxmaan Cali Xasan Sugoow oo ahaa dil toogasho ah ahna qisaasta marxuum Maxโed Xasan Maxโed Weeydhaan.
Dhanka kale Maxkamadda ayaa sidoo kale u fariisatay dacwada racfaaanle D/LE Darwiish Xuseen Cali Macalin iimaan Gurey oo 23jir ah iyo racfaanle D/LE Xoogga C/waaxid Cali Sheekh Aadan 23jir ah kuwaasoo ku eedeysnaa dilka marxuum Muxudiin Maxamed C/raxmaan kaasoo ka dhacay beer kutaala duleedka magaalada Baydhabo
Maxkamada derajada 1aad ee ciidamada qalabka sida Q-60 aad ayaa horey ugu xukuntay dil toogasho ah.
