Muqdisho (SNTV)- Wasiirka Wasaaradda Warfaafinta Xukuumadda Federaalka Soomaaliya Mudane Daahir Maxamuud Geelle ayaa maanta daah furay shir looga hadlayeyย siddii loo Horumarin lahaa Filimada Soomaaliyeed iyo Faaf reebkaย Filimada, waxaana uu socon doonnaa kulankaan muddo labo maalin ah.
Furitaanka Kulanka ayaa Waxaa ka soo Qeybย Galay Wasiirka Wasaaradda Warfaafinta Xukuumada Federaalka Soomaaliya, Agaasimaha guud ee Wasaaradda, ย Agaasimaha Wakaaladda Filimada ,Agaasimaha SONNA, Abwaanno,ย Mas โuuliyiin ka Socday Xarumahaย Keybalada ka shaqeeya filimada, aqoonyahano iyo marti sharaf kale.
Inta uu kulanka socday ayaa waxaa si weyn looga dooday muhiimadda wakaaladda filimada Soomaaliyeed ay leedahay iyo doorka ay ka qaadan jirtay horumarintaย filimada iyo faafreebka, waxaana laga hadlay in muhiim ay tahay in loo baahanyahay in la dardar galiyoย horumarinta wakaalada filimada soomaaliyeed.
Agaasimaha Wakaaladaย Filimada Soomaaliyeed Mudane Salax Shire Shabeelย ayaa ka warbixiyay howlaha wakaaladda filimada Soomaaliyeed isagoo sheegay in doorkii Wakaaladda Filimada uu soo laabtay ayana Xoogga saari doonaan sidii loo heli lahaa Filimaan tayo leh kuwaas oo ilaalinaya dhaqanka suuban ee umadda Soomaaliyeed.
Agaasimaha guud ee wasaaradda Warfaafinta xukuumadda Soomaaliya Mudane C/raxmaan Yuusuf Alcadaala ayaa ka hadlay muhiimada ay wakaalada filimada u leedahay Bulshadda Soomaaliyeed iyo doorka ay qaadan karta xiligan isagoona sheegay in shirkan laga sugaya in ay ka soo badaan wax wanaagsan kuwaas oo tusaale wanaagsan u noqon karo Horumarinta Filimada Soomaaliyeed.
Wasiirka Warfaafinta Xukuumadda Federaalka Soomaaliya Mudane Daahir Maxamuud geelleย oo furay shirkan socon doono maanta iyo Barito ayaa sheegay in loo baahan yahay in la ilaaliyo xuquuqda filimada, si loo dhowro anshaxa filimada.
Ku Dhawaad Sodon Sano kadib Wasaaradda Warfaafinta Xukuumadda Federaalka Soomaaliya ayaa qaadeysa tallaabo dib boorka looga jafayo Wakaaladda Fillimada Soomaaliyeed, iyaddoo Wasaaradda ay diyaarineyso Sharciga Copyright-ka.
