Munaasabad baroor diiq iyo duco ah oo ay ka qeyb galeen qaar ka mid ah Soomaalida ku nool dalka Norway ayaa lagu qabtay magaalada Oslo ee caasimadda dalkaasi.
kulankan ducada ah ayaa waxaa soo qaban qaabiyay gudigii deeq aruurinta qarixii 14 Oktoobar oo sanad kahor looga dhawaaqay magaalada Oslo kuwaasoo tabarucaad badan ka uruuriyay Soomaalida ku dhaqan dalka Norway maadaama dadka waxyeeloobay ay u baahnaayeen caawimaad deg deg ah oo aan loo kala harin.
dadka isku yimid oo isugu jiray qeybaha bulshada ayaa si wadajir ah goobta ugu duceeyay dadkii halkaasi ku geeriyooday iyagoo alle uga baryay caafimaad kuwo weli la xanuunsanaya werarkaasi bahalnimo oo ay ku geeriyoodeen dad ka badan 600 oo qof.
Ka qeyb galayaasha baroor diiqdaasi ayaa muujiyay sida dalku ugu baahanyahay in laga xoreeyo argagaxisada iyo taageerada qurba joogta ee dowladda federaalka ah oo dagaal xoogan kula jirta maleeshiyada Al shabaab iyo kooxaha xagjira.
Bashiir Gaani.
