Muqdisho (SNTV) — Japan iyo Midowga Yurub oo saxiixay Heshiis taariikhi ah si loo ilaaliyo waxsoosaarka warshadaha iyo waxyaabaha la dhoofiyo ama lala soo dago.
Midowga Yurub iyo Japan ayaa wada saxiixay hesiis taariikhi ah kaasi oo lagu ciribtiri doono khidmadaha waxsoosaarka ee tariifadaha ay ganacsi ahaan ka raadiyaan labada dhinac.
Rajada lagu hanweyn yahay ee heshiiska lagu saxiixay gudaha magaalada Tokyo ayaa qayb ka ah tallaabooyinka madaxweynaha Mareykanka Donald Trump si uu horey ugu socdo khidmadaha laga qaado walxaha ganacsiyada ka yimaada shirkadaha ganacsiga ee dalka Mareykanka. waxa kale oo uu heshiiskani dabooli doonaa kan saddexaad marka loo eego dhaqaalaha dunida iyo suuqyo ay ku tiirsan yihiin dad ka badan 600 oo qof.
“Midowga Yurub iyo Japan ayaa muujiyay go’aannadooda ku aadan in ay yihiin calan sidayaasha ganacsiga xorta ah ee caalamka,” Ra’iisulwasaaraha Japan Shinzo Abe ayaa hadalkan ka jeediyay shirjir’aaid oo ay si wadajir ah uqabteen isaga iyo Donald Tusk oo ah madaxweynaha Golaha Midowga Yurub uuna ku wehlinayay madaxweynaha Guddiga Midowga reer Yurub Jean-Claude Junker.
Tusk ayaa ku ammaanay heshiiskani “waa heshiiskii ugu weynaa ebed misana laba geesood ah.” wuxuu sheegay wadajirka waa mid keenaysa in la xoojiyo meelaha badan oo kala gedisan, sida Difaaca, Isbedelka Cimilada iyo wax isweydaarsiga ka dhexeeya beni’aadanka, waxaana ay “fariin qayexan ay u tahay ilaalinta waxsoosaarka wax dhoofinta warshadaha iyo walxaha lala soo dago” Sidaasi waxaa sheegay Donald Tusk.
Hogaamiyeyaasha ma aysan soo hadal qaadin magaca Trump, balse waxyar ayay ka mal daheen si ay u qariyaan waxa kujira maskaxdooda — iyagoo iftiiminayay sida Midowga Yurub iyo Japan ay ugu dhowyihiin tallaabooyinka madaxweyne Trump.
Heshiiskani ayaa la gaaray sanadkii lasoo dhaafay. xafladda heshiiska ayaa dib loo dhigay iyadoo lagu wado in ay qabsoonto dhowaan maxaayeelay, Shinzo Abe ayaa ka baaqsaday safarka Brussels sababtana waxaa lagu macneeyay masiibadii ka dhacday deegaannada Koonfur galbeed ee Japan halkaasi oo daadad ka dhashay roobab mahiigaan ay ku dhinteen in ka badan 200 oo ruux.
Heshiiska ayaa la sheegay in ay dadka Japan ka macaashi doonaan in qiimo hoose laga siiyo badeecadaha ka yimaada Warshadaha Yurub sida Khamriga, Qansiirka, boorsooyinka gacanta iyo daawooyinka. halka ay Japan sidoo kale qiimo japan ku dhoofin doonto alaabta dayactirka matooradaha ee Japan, caleenta shaaha iyo Kalluunka kuwaasi oo sidoo kale qiimo jaban ay ku heli doonaan dalalka Midowga Yurub.
Waxaa la dhaafi doonaa 99% tariifada laga qaadi jiray badeecadaha Japan ee laga iibin jiray Midowga Yurub halka qiimo dhimis gaarsiisan in kusiman 94% khidmadda tariifada badeecadaha Yurub ee loo iibgeeyo dalka Japan la jari doono, iyadoo ay sare ukici doonto 99% boqolkiiba mustabalka.
Farqiga khidmadaha la dhaafayo ayaa waxaa kujira waxsoosaarka badeecadaha sida bariiska oo kamid ah waxyaabaha ay Japan si xooggan ugu baahantahay in ay u illaaliso siyaasad ahaan marka loo eego badeecadaha ay dalka dibadiisa kala soo degto.
Midowga Yurub ayaa sheegay in xoreeynta ganacsiga ay caawin doonto in ay kordhaan waxyaabaha Yurub dhoofiso sida badeecadaha ka samaeeysan kiimikada, dharka, waxyaabaha laysku qurxiyo kuwaasi oo loo iibgeeyo Japan. dadyowga Japan ayaa si raqiis ah kuheli doona macmacaanka laga sameeyo dheefta ama subagga xoolaha, shukulaatada iyo buskudka.
Heshiiska ay labada dhinac wada gaareen ayaa imaanaya xilli ay labada dhinac baahi weyn u qabaan ganacsiga xorta ah kaasi oo ay ka faa’iidi doonaan dad lagu qiyaasay lix malyan, waxaana uu imaanaya 8-sano kadib heshiiskan, iyadoo sanadkii 2013-kii ay dhinacyada uu khuseeyo heshiiskan ee dalalka kulaala qaaradda Yurub iyo wadanka Japan ay ka doodeen horumarinta ganacsiga iyo fududeeynta tariifada badeecadaha la dhoofiyo iyo kuwa lala soo dego.
W/D SNTV/Mux’ednur Mucalim Muxamed.
