Muqdisho (SONNA)ย Kulanka mudanayaasha golaha shacabka oo uu shir gudoominayay gudoomiyaha golaha shacabka Mudane Maxamed Sheekh Cusmaan Jawaari ayaa ugu horeyn golaha waxa uu ka hadlay goโaankii Madaxweynaha Mareykanka Donald Trump uu magaaladda jerusalem ugu aqoonsaday caasimada Israโiil ,waxaana gudoomiyaha golaha shacabka uu sheegay in goโaanka dowalda Mareykanka uu halis ku yahay dadaalada nabada ee Mareykanka uu ka waday Palestine iyo Israโiilย iyo guud ahaan amaanka Gobolka, isagoo sheegay in golaha shacabka uu arintaas qaraarย kasoo saari doono.
Gudoomiye kuxigeenka labaad ee golaha shacabka Mudane Mahad c/lla Cawad ayaa soo jeediyay in arintaas qaraar laga dhigo Xildhibaanada arimahaasi aadka u yaqaanana looga baahanyahay in gudiga arimaha dibada arimahaasi kala shaqeeyaan
Intaasi ka dib gudiga maaliyada ee golaha shacabka ayaa golaha ka hor aqriyay warbixinta gudiga ee odoroska miisaaniyada qaranka ee sanadka 2018-ka waxaana golaha ka hor akhriyay Gudoomiye Kuxigeenka gudiga Miisaaniyada ee Golaha shacabka,waxaana kulanka ku sugnaa Wasiir Kuxigeenka Wasaarada Maaliyada Prof ย C/llaahi Sheekh Cali Qaloocow.
Qaar ka mid ah mudanayaasha golaha shacabka aragtidooda ka dhiibtay warbixinta gudiga iyo wasaaradda maaliyada ee miisaaniyada 2018-ka
Gudoomiyaha golaha shacabka mudane Maxamed Sheekh Cusmaan Jawaari oo kulanka soo xiray ayaa sheegay in gudiga arimaha dibada ee Baarlamaanka looga baahanyahay in qaraarka ay si deg deg ah usoo diyaariyaan,gudiga dastuurka ee golaha shacabkana uu warbixintiisaย golaha hor keeno ,waxaana gudoomiyaha uu sidoo kale sheegay in xildhibaanada golaha shacabka lagula xisaabtami doono howlaha ay shacabka u hayaan.
