Addis Ababa | Khamiis, 12 Febraayo 2026
Wasiirka Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya, Mudane Cabdisalaam Cali, ayaa maanta kulan laba-geesood ah la yeeshay dhiggiisa Jamhuuriyadda Carabta ee Masar. Kulankan ayaa qabsoomay intii ay socdeen shirarka Midowga Afrika ee ka dhacaya magaalada Addis Ababa.
Labada dhinac ayaa dib u xaqiijiyey xiriirka taariikhiga ah ee xooggan ee ka dhexeeya Soomaaliya iyo Masar, iyaga oo isku raacay in la sii xoojiyo iskaashiga dhinacyada isku-duwidda diblomaasiyadeed, nabadda iyo amniga, ganacsiga, iyo maalgashiga.
Sidoo kale, waxay ku heshiiyeen in la joogteeyo wada-shaqeynta dhow ee marinnada diblomaasiyadeed ee jira, si loo hormariyo danaha wadajirka ah iyo xasilloonida gobolka.
