Guddoomiyaha Golaha Aqalka Sare ee Baarlamaanka Jamhuuriyadda Federaalka Soomaaliya, Mudane Cabdi Xaashi Cabdullaahi, ayaa maanta xafiiskiisa ku qaabilay Wasiirka Wasaaradda Warfaafinta, Dhaqanka iyo Dalxiiska Xukuumadda Federaalka Soomaaliya, Mudane Daaโuud Aweys Jaamac, kaas oo guddoonsiiyay haddiyad gaar ah oo uga timid Guddiga Dhismaha iyo Qalabeynta Madxafka Nabadda Gobolka ee Carta.
Wasiir Daaโuud Aweys ayaa sidoo kale Guddoomiyaha la wadaagay warbixin ku saabsan munaasabadda lagu daahfuray 25-guuradii ka soo wareegtay Shirweynihii Nabadda Soomaalida ee Carta, iyo marxaladihii uu soo maray Madxafka Nabadda.
Dhankiisa, Guddoomiye Cabdi Xaashi Cabdullaahi ayaa uga mahadceliyay haddiyadda, isagoo si gaar ah u bogaadiyay walaalaha Jabuuti doorkooda muhiimka ah ee ay ku leeyihiin dhismaha Madxafka Taariikhiga ah ee Carta, kaas oo xusuus qaran u ah shacabka Soomaaliyeed.
