Taliyaha Ciidanka Booliiska Soomaaliyeed Sarreeye Guuto Asad Cismaan Cabdullaahi ayaa la kulmay Guddiga u xilsaaran saxidda Imtixaan Layli Sarkaalnimo oo dhawaan laga qaaday arday Jaamiciyiin ah , waxaana guddigan hormuud u ah Guddoomiyaha Jaamacadda Ummadda Soomaaliyeed Dr. Maxamed Maxamuud.
Guddiga ayaa Taliyaha uga xog waramay halka ay marinayaan saxidda Imtixaanka, waxaana ay si hordhac ula wadeegeen inay raaceen soo jeedinta Taliyaha ee la xiriirtay in si hufnaan iyo Cadaaladi ku dheehan tahay sixidda Imtixaanka loo maro.
Taliye Asad ayaa sidoo kale Guddiga kala hadlay qorshe uu doonayo in Jaamacad Waxbarasho looga dhigo Akadamiyadda Ciidanka Booliiska oo mudooyinkii u dambeeyey lagu sameeyey dib u habeyn dhinaca waxbarista ah si kor loogu qaado Tayada Aqooneed ee Ciidanka Booliiska Soomaaliyeed.
