Wasiir ku-xigeenka Wasaaradda Dhallinyarada iyo Isboortiga, Xildhibaan Dahabo Saciid Cusmaan, ayaa maanta si rasmi ah u daah furtay tababar aqoon kororsi ah oo loo qabtay 34 garsoore oo dumar ah.
Tababarkan ayaa qeyb ka ah dadaallada lagu horumarinayo xirfadda garsoorayaasha haweenka si ay door muuqda uga qaataan horumarka kubadda cagta dalka.
Munaasabadda daah-furka tababarkan waxaa goobjoog ka ahaa Guddoomiyaha Xiriirka Kubadda Cagta Soomaaliyeed, ku-xigeennadiisa, Xoghayaha guud ee Xiriirka, iyo Guddoomiyaha Guddiga Garsoorka.
Ugu dambeyn, Wasiir Dahabo ayaa la dardaarantay garsoorayaasha dumarka ah ee tababarka u furmay, iyadoo sidoo kale uga mahadcelisay Xiriirka Kubadda Cagta Soomaaliyeed kaalinta ay ka qaataan horumarinta isboortiga dalka.
