Taliyaha Ciidanka xoogga dalka Soomaaliyeed sarreeye Gaas Odowaa Yuusuf Raage ayaa hambalyo iyo bogaadin u diray saraakiisha, saraakiil-xigeennada, alifleyda, dableyda Ciidanka Xoogga Dalka Soomaaliyeed iyo qoysaskooda, xuska 65 sano guuradii ka soo wareegtay aasaaska Ciidanka Xoogga Dalka Soomaaliyeed oo ku beegan maanta oo kale 12-ka Abriil.
Taliyaha ayaa sheegay in Ciidanka Xoogga Dalka Soomaaliyeed ay laf-dhabar u yihiin difaaca qaranimada iyo jiritaanka ummadda Soomaaliyeed, laga soo bilaabo markii la aas-aasay 12-kii Abriil, sanadkii 1960-kii, ilaa maanta oo ay si geesinimo leh ugu adeegayaan dadkooda.
Sidoo kale Taliyaha ayaa hambalyo iyo mahadcelin u diray ciidamada dib u xoraynta deegaanka doorka ay ka geysteen la dagaalanka Khawaarinta” wax aan halkan uga mahadcelinayaa Ciidamadama difaaca deegaanka doorka nafhurka ah ee u hurteen naftiina dalka iyo sharafteena” ayuu yiri Taliye Odowaa.
Dhinaca kale Taliyaha ayaa shacabka Soomaaliyeed ugu baaqay in qof walba kaalintiisa ka qaato sidii dalka looga xorayn lahaa khawaarijta” wax aan leeyahay Dadka Soomaaliyeed in ay garab istaagaan Ciidankooda,waxaynu dagaal kula jiraa Argagixiso Caalami ah” ayuu yiri Taliye Odowaa.
