Wasiirka Caafimaadka XFS oo ka qeyb-galay kulan looga hadlayay Nafaqada

Date:

Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya H.E Dr. Ali Haji Adam ayaa ka qeyb galay Shirka kobaca Nafaqada (Nutrition for Growth) oo sanadkan ka dhacaya magaalada Baariis ee dalka Faransiiska.

Kulanka waxaa ka soo qeyb galey inta badan madaxda dalalka Caalamka oo ay ugu horreeyaan Dowladaha Faransiiska, Ingiriiska, Jarmalka, Nedarland Gaana, Neyjeeriya iyo kuwa kaloo badan oo kulanka muhiimnu ahaa kasoo qeyb galiddooda maadaama Barnaamijka kobaca Nafaqada uu yahay mid si guud u taabanaya dalalka Caalamka.

Kulanka oo ahaa mid muhiim u ah Caafimaadka Soomaaliya iyo horumarintiisa waxaa lagu daahfurey Qorshaha Guud oo wax ka qabashada xaladaha Nafaqa-darada iyo isku dhafka Barnaamijyada ka hortagga ee nafaqa yarida, taasoo door muhiim ah ka cayaareysa geediga hayaanka horumarinta Caafimaadka gaar ahaan la dagaalanka Nafaqo yarida.

Wafdiga Wasiirka Caafimaadka Xukuumadda Federaalka Soomaaliya Dr. Ali Haji Aden ee ka qeyb galaya waxaa ka mid ah Safiirka Soomaaliya u fadhiya wadanka Faransiiska danjire Mohamed Ali Nuur, Agaasimaha waaxda Caafimaadka qoyska Mustafa Cawil Jaamac iyo madaxa Barnaamijka Naqada Soomaaliya Usaama Cabdi.

Share post:

Ugu Akhris badan

Kuwo kale
Kuwo kale

Wasiiro ka tirsan xukuumadda Soomaaliya oo dad shacab ah kula ciiday degmada Deyniile ee gobolka Banaadir

Wasiiro ka tirsan Xukuumadda DanQaran, xildhibaano iyo masuuliyiin ka...

Mas’uuliyiin ka tirsan xukuumadda DanQaran oo farxadda munaasabadda Ciidul fitriga la qaatay shacabka Muqdisho

Qaar kamid ah Wasiirada Xukuumadda DanQaran ayaa Farxadda Ciidul...

Guddoomiyaha Golaha Shacabka ayaa kumanaan shacab ah salaada ciidul-fidriga kula dukaday masaajidka Isbaheysiga.

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane...