Wasiirka Caafimaadka iyo Daryeelka Bulshada ee Xukuumadda Federaalka Soomaaliya, H.E Dr. Ali Haji Adam, ayaa kulan muhiim ah kula qaatay magaalada Addis Ababa, Agaasimaha Guud ee Hay’adda Caafimaadka ee Midowga Afrika (Africa CDC), Dr. Jean Kaseya.
Kulankan ayaa diiradda lagu saaray xoojinta hannaanka caafimaadka ee Soomaaliya, iyadoo wasiirku uu soo jeediyay in Africa CDC ay kor u qaaddo kaalinta qubarada Soomaaliyeed ee jihaynta siyaasadda caafimaad ee qaaradda Afrika. Sidoo kale, waxaa la falanqeeyay xoojinta mashaariicda caafimaad ee Africa CDC iyo kor u qaadista tababarada howl-wadeenada caafimaadka ee Soomaaliya.
Dhanka kale, Agaasimaha Guud ee Africa CDC ayaa bogaadiyay dadaallada Soomaaliya ee kor u qaadista tayada caafimaadka, isagoo xaqiijiyay in Africa CDC ay sii wadi doonto taageerada iyo xoojinta kaalinteeda ee horumarinta caafimaadka Soomaaliya.
