Wasaaradda Gaashaandhigga Xukuumaadda Federaalka Soomaaliya,ayaa marti-gelisay kulanka seddex biloodka ah ee looga hadlayay sidii loo ilaalin lahaa carruurta ay saameeyeen colaadaha.
Wasiir-dowlaha Wasaaradda Gaashaandhigga XukuumaaddaFederaalkaSoomaaliya, Mudane Cumar Cali Cabdi, ayaa furay kulanka, waxaana ka soo qeybgalay xubno ka tirsan wasaaradaha kala duwan, sida Xoghayaha Joogtada ah ee Wasaaradda Cadaaladda, Agaasimaha Guud ee Wasaaradda Qoyska iyo Xaqa-u-istaagga Insaanka, Agaasimaha Guud ee Wasaaradda Amniga, iyo Agaasimaha Guud ee Wasaaradda Gaashaandhigga.
Kulanka waxaa sidoo kale ka qaybgalay wakiilada Ilaalinta Xaqa-u-istaagga Carruurta iyo Xaqa-u-istaagga Insaanka ee UNTSOM, iyo dhammaan saraakiisha ka shaqeysa arrimaha xuquuqda carruurta.
Shirkan ayaa diiradda lagu saaray sidii loo ilaalin lahaa badbaadada carruurta Soomaaliyeed iyo sidii hoos loogu dhigi lahaa waxyeellada ka dhalan karta colaadaha xilliyada dagaalka.
