Safiirka Soomaaliya ee Masar ahna wakiilka joogtada ah ee Ururka Jaamacadda Carabta, Danjire Cali Cabdi Awaare, ayaa booqasho rasmi ah ugu tagay dhiggiisa, Danjire Cabdicasiis Al-Madar, Safiirka Boqortooyada Sacuudi Caraabiya u fadhiya Jaamacadda Carabta.
Kulanka labada Danjire ayaa looga wada hadlay xiriirka labada dal iyo wada-shaqaynta carbeed, iyadoo la isla gartay in si dhow loo xoojiyo iskaashiga iyo wada-tashiga arrimaha carbeed iyo kuwa gobolka.
Danjire Awaare ayaa uga mahadceliyay Boqortooyada Sacuudi Caraabiya taageerada joogtada ah ee ay Soomaaliya siiso, gaar ahaan mashaariicda horumarineed iyo maalgashiga ka socda dalka.
