Guddoomiyaha Hay’adda Maareynta Musiibooyinka Maxamuud Macallin Cabdulle,ayaa xafiiskiisa ku qaabilay madaxa howlgalka hay’adda International Organization for Migration IOM ee Soomaaliya Manuel Maques Pereira.
Labada masuul ayaa ka wada-hadlay xoojinta xiriirka wadashaqeyn ee arrimaha maareynta musiibooyinka iyo dhisidda awoodda hay’adaha ka shaqeeya howlaha bani’aadannimo ee heer federaal iyo heer dowlad goboleeed intaba.
Kulanka waxaa si gaar ah xooga loogu saaray sidii loo xoojin lahaa dadaallada ka jawaabista iyo howlaha gargaarka bani’aadamnimada ee Soomaaliya, halka dhinacyadu isku raaceen in sanadkan bilaawgiisa la dhammeestiro qorshe hawleed istaraatiiji ah oo ay labada hay’adood ku wada-howl-galaan.
