Wasiirka Wasaaradda Cadaaladda iyo Arrimaha Dastuurka ee Xukuumadda Federaalka Soomaaliya, Mudane Xasan Macallin Maxamuud, ayaa maanta xarunta wasaaradda ku qaabilay wefdi ka socda Isbitaalka Recep Tayyip Erdogan iyo Hay’adda Bisha Cas ee Turkiga. Wefdigaan ayaa maanta booqday Xabsiga Dhexe ee Xamar iyagoo u kuurgalayay xaaladda caafimaad ee maxaabiista.
Intii lagu guda jiray kulanka, Wasiir Xasan Macallin iyo wefdiga ayaa ka wada hadlay sidii loo xoojin lahaa iskaashiga caafimaad oo joogtada ah, iyo tababarro lagu taageerayo howl-wadeennada xabsiyada.
Wasiirka, ayaa ugu dambeyntii uga mahadceliyey maamulka isbitaalka iyo Hay’adda Bisha Cas ee Turkiga dadaalkooda joogtada ah, isagoo ku booriyey inay sii wadaan taageerada muhiimka ah ee ay u hayaan shacabka Soomaaliyeed.
