Guddoomiyaha Aqalka Sare ee Baarlamaanka Jamhuuriyadda Federaalka Soomaaliya Mudane Cabdi Xaashi Cabdullaahi ayaa ka tacsiyeeyey geerida ku timid marxuum Maxamed Sheekh Cismaan Jawaari Guddoomiyihii hore ee Golaha Shacabka BJFS oo galabtay ku geeriyooday magaalada Muqdisho.
“Aniga oo ku hadlaya magacayga iyo kan golaha Aqalka Sare waxaan tacsi tiiraanyo leh u diraayaa guud ahaan shacabka Soomaaliyeed, gaar ahaan eheladii iyo qaraabadii uu ka geeriyoodey Allaha u naxariistee Guddoomiyihii hore ee Golaha Shacabka Prof Maxamed Sheekh Cismaan Jawaari, Waxaana Alle uga baryaa in uu Jannatul Firdowsa ka waraabiyo, samir iyo iimaanna uu ka siiyo ehelka, asxaabta iyo dhammaan shacabka Soomaaliyeed ee uu ka geeriyooday”
Innaa Lillaahi Wa Innaa Illeyhi Raajicuun.
