Hay’adda Boqor Salmaan oo Muqdisho ka daah furtay Mashruuca udxiyada ee Ciidul Adxaa

Date:

Mu’asasada Al-Mahasin foundation ee Horumarinta iyo Waxbarashada oo kaashanaysa Xarunta Boqor Salmaan ee Gargaarka Bini’aadantinimo, ayaa ku dhawaaqday inay daah furrtay Mashruuca lagu qaybinaayo Hilibka udxiyada ee sanadkaan 1445 / 2024.

Mashruucan bini’aadantinimo, ayaa u jeedadiisu tahay in lagu taageero Qoysaska dhibaataysan inta lagu guda jiro Ciidul Adxaa ee barakeysan, si kor loogu qaado qiyamka wadajirka bulshada iyo naxariista Muslimiinta dhexdooda ah.Qoosaska u baahan, taas oo si togan uga tarjumaysa Caafimaadkooda iyo badbaadadooda.

Mashruucan, ayaa waxaa ka mid ah in hilib loo qaybiyo 53,280 qof ka-faa’iideystayaal ah oo ku kala nool deegaannada kala duwan oo ay dadka ku barakaceen iyo kuwa baahan ee Soomaaliya. Hawshaan, ayaa si taxadar leh loo soo Agaasimay si loo hubiyo in si Cadaaladda ah oo habsami leh loo gaarsiiyay gargaarka dadkii u baahna.

Mashruucani waxa uu ka mid yahay mashaariicda Hay’adda Boqor Salmaan ee Gargaarka Bani’aadantinimo ee lagu taageerayo shacabka Soomaaliyeed, iyada oo la fulinaayo Mashaariic badan oo dhinacyo kala duwan ah sida Biyaha, Caafimaadka, Waxbarashada, kor u qaadista sugnaanta cuntada iyo buuxinta baahiyaha aasaasiga ah ee dadka nugul ee bulshada dhexdeeda ah.

Waxaan u mahadcelineynaa Xarunta Gargaarka Bani’aadamnimada ee Boqor Salmaan oo si deeqsinima leh iyo Iskaashiga joogtada ah ee hirgelinta Mashaariicda bani’aadamnimada, waxaana xaqiijineynaa sida ay uga go’an tahay sii wadida taageerada aan siineyno kuwa u baahan.

Waxaan si adag uga shaqeyneynaa xoojinta iskaashiga caalamiga ah iyo iskaashiga joogtada ah si loo dhiso Mustaqbal wanaagsan dhammaan dadka, waxaana ugu baaqaynaa qof kasta inuu ka qayb qaato dadaalladan bini’aadantinimo ee lagu taageerayo dadka dhibaataysan xilliyada ay u baahan yihiin.

Share post:

Ugu Akhris badan

Kuwo kale
Kuwo kale

Xildhibaan Maxamed Islow: “Waa in ay noo kala soocnaato naceybka mas’uulka xilka haya iyo Qaranimada”

Wasiirkii hore amniga Gudaha Xildhibaan Maxamed Abuukar Islow Ducaale...

Shirka Qiimeynta mashariicda dalka ka socota oo Muqdisho ka furmay

Wasiirka Qorshaynta, Maalgashiga iyo horumarinta dhaqaalaha Xukuumadda Federaalka Soomaaliya...

Madaxda dunida oo cambaareeyay isku day dil oo lala beegsaday Donald Trump

Hoggaamiyayaasha dunida ayaa taageero u muujiyay madaxweynihii hore ee...

Xeer Ilaaliyaha Qaranka: “Waa in si deg deg ah warbixin looga keenaa wixii ka dhacay xabsiga dhexe”

-Xeer Ilaaliyaha Guud ee Qaranka Dr Suleymaan Maxamed Maxamuud...