Wafdi ka socda Xamaas ayaa Masar u yimid wax u muuqda in ay wada xaajood ku saabsan xabbad joojin ku sameeyaan ama ku dhimaan, iyadoo xarakadu ay sheegtay in ay “go’aansatey in la gaaro heshiis”.
Israa’iil ayaa la sheegay inay siisay Xamaas hal toddobaad inay ku heshiiyaan xabbad-joojin iyo heshiis isdhaafsi maxaabiis ah, iyadoo ku hanjabtay inay duullaan dhulka ah ku qaadi doonto Rafah haddii kale.
Madaxa Qaramada Midoobay ayaa ugu baaqay Israel iyo Xamaas inay gaaraan heshiis xabad joojin ah.
Wafdi ka socda Qatar ayaa ku wajahan Qaahira iyadoo la kordhinayo dadaallada diblumaasiyadeed ee lagu joojinayo in Israa’iil ay sii waddo duullaanka ay ku heyso Rafah – oo ah magangalkii ugu dambeeyay ee 1.5 milyan oo Falastiiniyiin ah.
Madaxa hay’adda cunnada adduunka ee Qaramada Midoobay ayaa sheegay in waqooyiga Gaza ay hadda ka jirto ‘macaluul ba’an’.
Kumanaan Falastiiniyiin ah ayaa gaajo u dhimanaya iyadoo Israa’iil ay xaddidday qulqulka gargaarka bini’aadannimo ee Gaza.
Ugu yaraan 34,622 falastiiniyiin ah ayaa lagu dilay 77,867 kalena waa lagu dhaawacay weerarrada Israa’iil ee Gaza tan iyo 7-dii October.
