Madaxweynaha Jahmuuriyadda Federaalka Soomaaliya mudane Xasan Sheekh Maxamuud oo Shir jaraa’id ku qabtay magaalada Kismaayo ayaa ka hadlay arrimo dhowr ah.
Madaxweynaha ayaa ugu horreyn ka hadlay Safar shaqo oo muhiim u ah danaha Qaranka oo uu ku tagayo dalka Itoobiya halkaas oo maalmaha soo socda ay ka qabsoomi doonaan Shirar ay ka mid yihiin, Shir madaxeedka Midowga Afrika, Shir Madaxeedka IGAD iyo Shir madaxeedka dalalka ku mideysan EAC.
Madaxweynaha ayaa dhanka kale ka hadlay Qorshaha dowladda ee dhammaystirka xoreynta deegaannada ku jira gacanta argagixisada iyo saamaynta taban ee ka dhalatay fatahaadihii Roobkii Elino ee ka da’ay deegaanada Jubaland.
