Ciidanka Nabad Sugidda iyo Sirdoonka Jubbaland ee ka howlgala degamda Baladxaawo ayaa saaka sameeyay hawalgal guud oo lagu xaqiijinayo amniga degmada Baladxaawo ee Gobolka Gedo.
Hawalgalkan oo lagu xaqiijinayay Gawaarida muraayadaha madow ee aan la aqoonsaneyn iyadoo ay kusoo aaday xogo laga helay dhanka argagasisada oo la xiriira dhagar ay u maleegayaan shacabka Soomaaliyeed ee ku nool degmada Baladxaawo.
Howlgalkan ayaa waxaa ka qayb qaatay saraakiisha kala duwan ee degmada sida Taliyaha Amniga degmada,Taliye ku-xigeenka Nabadsugida, iyo Taliyaha hawalgalinta Ciidanka NISA ee degmada ka howlgala, waxaana howlgalkan ballaaran laga sameeyay Dhammaan Wadooyinka soo gala kana baxa degmada Baladxaawo ee gobolka Gedo.
