In ka badan 400 oo Sargaal oo Maraykan ah, kana shaqeeya qaybo kala duwan ee Ciidamada dalkaas ayaa ka soo horjeestay taageerada uu Madaxeyne Joe Biden, siiyo Israaโiil, si ay ugu kaashato weerarrada ka dhanka ah Marinka Qaza.
Saraakiishan ayaa warqad u diray madaxweyne Joe Biden, iyagoo ugu horeeyn dhaliilay siyaasadda dowladda ee ku aaddan taageerada Israaโiil.
Sida uu qoray wargeyska โThe New York Timesโ Talaadadii, saraakiisha aya qoraalkooda ku muujiyay sida ay uga soo horjeedaan taageerada Maraykanka uu la garab taaganyahay dagaalka Israโiil ay ku hayso magaalada Qaza.
Wargeysku wuxuu soo xigtay laba sargaal oo ka qaybqaatay diyaarinta warqadda iyo u dirista Biden, kuwaa oo sheegay in badi saxiixayaasha ay yihiin Sarakiil ka howl galo hayโado kala duwan, sida FBI-da, golaha Amniga Qaranka iyo Wasaaradda Cadaaladda.
Noxurka Qoraalka loo diray Biden ayaa u qornan sidan: โWaxaan ugu baaqaynaa Madaxweynaha inuu si degdeg ah u dalbado xabbad-joojin, si dadka dhibateysan loo gaarsiiyo gargaar baniโaadamnimo oo ku filan, inuu ka shaqeeyo in dib loo soo celiyo adeegyada biyaha, korontada iyo dhamaanba adeegyada kale ee muhiimka u ah magaalada Qaza iyo inuu ka shaqeeyo is dhaafsiga Maxabiista ay kala haystaa Israaโiil iyo Falastiinโ.
