Shirweynaha 5-aad ee wasaaradda caafimaadka dowladda federaalka Soomaaliya iyo wasaaradaha caafimaadka ee dowladaha xubnaha ka ah federaalka ayaa maanta ka furmay magaalada Dhuusamareeb, waxaana furay Madaxweynaha dowlad goboleedka Galmudug Axmed Cabdi Kaariye.
Wasiirro iyo Agaasimayaal ka kala socda wasaaradaha caafimaadka dowladda federaalka iyo dowladaha xubnaha ka ah federaalka ayaa Dhuusamareeb u yimid ka qeyb galka shirkaan oo soca doona muddo labo maalmood ah.
