Waxaa sii kordhaya khasaaraha dhimasho iyo dhaawac ee ka dhashay duqeymaha arxan-darrada ah ee Ciidamada Israโiil ay ku garaaceyaan dhulka reer Falastiin, gaar ahaan magaalada Qaza iyo magaalooyin kale.
Ciidamada Israโiil ayaa isbuucii labaad duqeymo culus ka wado magaalada Qaza, waxa ayna magaalada noqotay mid bur burtay ,sidoo kalana ay ka barakaceen inta badan dadkii kunoolaa.
Afhayeenka wasaaradda arrimaha gudaha ee Falastiin, Eyad Al-Bozom,ayaa sheegay in duqeymaha Israโiil ay ku dhinteen dad ka badan 2,750 oo qof, sidoo kale ay ku dhaawacmeen 9,700.
Eyad Al-Bozom, ayaa sidokale, sheegay in ay jiraan dad ka badan kun qof oo nolol iyo geeri lagu laโyahay, waxa uuna shintaa ku daray in qaarkood ay ku hoos jiraan dhismayaasha ku bur buray duqeymaha Israel.
Ciidamada Israโiil ayaana wali sii wada duqeymaha ay ku garaaceyayaan magaalada Qaza iyo degaano kale oo Falastiin katirsan, waxa ayna duqeymaha sii badinayaan dhimashada shacabka aan waxba galabsan.
