Madaxweynaha Iiraan Ibraahim Ra’iisi, ayaa ku eedeeyay Mareykanka inuu hurinayo dagaalka Ukraine, isagoo carabka ku adkeeyay in Dehraan ay taageerso in si nabad ah lagu dhameeyo khilaafka u dhaxeeya Ruushka iyo Ukraine.
Ra’iisi oo hadal ka jeedinayay Golaha loo dhan yahay ee Qaramada Midoobay, ayaa yiri: “Maraykanku waxa uu sii hurinayaa dagaalka ka socda Ukraine si loo wiiqo awooda tamarta dalalka Yurub, taana waa Nasiib darro iyo qorshe guracan oo ay Whatshington damacsantahay, anaga waxaan taageersanahay hindise kasta oo lagu joojinayo colaadaha taagan.”
Xiriirka u dhexeeya Iiraan iyo Maraykanka ayaa aad u ksii xumanayay sanadahii danbe, iyadoo Mareykanka marba marka ka danbeeya uu cunaqabatayno hor leh ku soo rogay jamhuuriyadda Islaamiga ah ee Iiraan.
Mareykanka ayaa dhowr jeer Xukuumadda Dehraan ku eedayay in diyaaradaha aan duuliyaha lahayn ay ka iibisay Moscow, si ay ugu adeegsato dagaalka ka socda Ukraine, Balse Madaxweyne Ra’iisi waxa uu qiray in uu dhexdhexaad ka yahay dagaalka Ukraine.
