Dadka deegaanka Bacaadweyne ee koofurta Gobolka Mudug ayaa wacad ku maray in ay ka qayb qaadan doonaan dagaalka lagu cirib tirayo khawaarijta ee ka socda Galmudug.
Abbaan duulaha Guutada 15-aad Qaybta 21-aad ee xoogga dalka G/le, Xirsi Cali Quuri oo la hadlayay boqolaal xoogagga macawisleeyda deegaanka ah ayaa sheegay in saraakiisha,siyaasiyiinta, Odayaasha. Dhallin yarada iyo wax garadka kasoo jeeda Bacaadweyne ay u mideysan yihiin la dagaallanka khawaarijta.
Abbaan duulaha ayaa intaasi ku daray in saacadaha soo socda ay gaari doonaan furimaha dagaalka, ciidamada uu hoggaaminayana ay yihiin kuwii sanada ka hor Cadowga ka saaray deegaanno ka tirsan Galmudug, mar kalana ay diyaar u yihiin cirib tirka khawaarijta.
