Ciidamada Israa’iil ayaa dilay laba qof oo Falastiini ah ,kadib markii ay weerar ku qaadeen xero qaxooti oo ku taal Magaalada Jericho ee Daanta Galbeed ee, sida ay ilo-wareedyo caafimaad u sheegeen wakaaladda wararka ee Reuters.
Dadka deegaanka ayaa sheegay in iska hor imaad hubeysan uu dhexmaray ciidamada Israel iyo kooxo hubeysan, balse lama oga in labada nin ee la dilay ay ku lug lahaayeen weerarada ay ay halkaasi ka fuliyeen Israa’iil oo socday wax ka yar hal saac.
Laba nin oo dhallinyaro ah ayaa loola cararay cusbitaalka, iyadoo ay ka muuqdaan rasaas kaga dhacday qeybta kore ee jirka,sdia uu saaka oo talaado ah xaqiijiyay agaasimaha Isbitaalka Jericho.
Maalinimadii Axadda ee la soo dhaafay 3 Falastiiniyiin ah ayaa lagu dilay Magaalada Jenin,waxaana sii kordhay rabshadaha iyo xasuuqa ay ciidamada Israa’iil ku hayaan dadka degan Daanta Galbeed ee la haysto.
