Madaxweynaha Dowladda Hirshabeelle Mudane Cali Guudlaawe Xuseen ayaa kulan la qaatay Wafdi sare ah oo ka socday Hayโadaha Caalamiga ee World Vision, DRC ICF iyo SOMREP oo soo gaaray Jowhar.
Kulankan oo Madaxweynaha ay ku wehliyeen qaar kamid ah Golihiisa Wasiirrada ayaa looga hadlay kor u qaadida mashaariicda horumarinta oo Hayโadahaan ay ka wadaan deegaanada Hirshabeelle iyo kuwa u qorsheysan gaar ahaan ka hortaga fatahaadaha wabiga shabeelle, Beeraha Cunnada iyo sare qaadista dalagyada abuurka, caawinta barakacayaasha iyo shaqo abuurka dhalinyarada.
Madaxweynaha ayaa Hayโadahaan la wadaagay in muhiimad gaar ah ay u leedahay in adeegyada horumarinta la gaarsiiyo deegaanadii dhowaan laga xoreeyay kooxda khawaarijta alshabaab si bulshada ay u helaan adeegyada muhiimka ah.
