Ciidamada Israel ayaa howlgal militari oo ballaaran ka bilaabay xerada Jenin ee ku taal waqooyiga Daanta Galbeed ee la heysto.
Waxay ku bilaabatay weeraro dhowr ah oo ay fuliyeen diyaaradaha aan duuliyaha lahayn. Fiidiyowyo lagu daabacay baraha bulshada ayaa muujinaya qiiq ka baxaya meel la deggan yahay.
Wasaaradda caafimaadka ee Falastiin ayaa sheegtay in ugu yaraan saddex falastiiniyiin ah lagu dilay in ka badan 20 kalena ay ku dhaawacmeen weerarka socda.
Ciidamada difaaca Israa’iil (IDF) ayaa sheegay in ay duqaynayeen “kaabayaasha argagixisada ee aagga Jenin”.
“Maka istaagi doono shaqo la’aan inta ay argagixisadu sii waddo dhibaataynta dadka rayidka ah ee xerada Jenin ka dhiganaya gabaad,” ayay yiraahdeen, iyagoo intaas ku daray in xerada ay tahay goob ay ku xooggan yihiin argagixisada.
Guutada Jenin oo ah dallad ciidan oo ay ku jiraan rag hubeysan oo ka kala socda kooxaha Falastiiniyiinta ee Fatax, Xamaas iyo Islamic Jihad, ayaa tiri: “Waan la dagaallami doonnaa ciidammada gumeysiga illaa neefta iyo xabadda ugu dambeysa, waxaana ka wada shaqeyneynaa oo aan ka mideysannahay dhammaan qeybaha iyo qaababka milatariga. ”
