Milateriga Ukraine ayaa sheegay inay soo rideen afar gantaal oo nooca loo yaqaan Cruise missiles iyo 10 diyaaradood oo kuwa aan duuliyaha lahayn ah intii lagu guda jiray weerar cirka ah oo Ruushku qaaday habeen hore.
Madaxweynaha Ukraine Volodymyr Zelenskyy ayaa bogaadiyay waxa uu ku tilmaamay natiijooyinka dagaal culus oo ka dhacay gobolka Donetsk ee bariga Ukraine.
Dhanka kale,Mareykanka ayaa ku dhawaaqi doona maanta oo jimco ah $2bn oo cusub oo hub ah oo loogu talagalay Ukraine, sida laga soo xigtay Bloomberg News oo soo xiganeysa saraakiisha maamulka.
Wararka ayaa intaa ku daraya in Washington DC laga daahfuray xarun cilmi-baaris oo la socon doonta dagaalka ka jira Dalka Ukraine.
